2017年6月12日
第三日其實都係大移動日黎，而且今日嘅路線有少少複雜：
松江站 → 境港站 → 水木茂大道(行右邊) → 境港漁市場(早午餐) → 水木茂大道(行左邊) → 由志園 (下午茶) → 米子(酒店+晚餐) 。
松江站 → 境港站 → 水木茂大道(行右邊) → 境港漁市場(早午餐) → 水木茂大道(行左邊) → 由志園 (下午茶) → 米子(酒店+晚餐) 。
朝早check out咗 就要拎埋行李先過境港。之前提過嘅一畑巴士有一條非常貼心嘅路線，就係可以係由松江直接去到境港站，會經由志園。 我都好想去由志園先，但我唔確定有冇得放行李，唔好搏，去左境港果邊先，果邊旅遊區，一定有位放行李。所以先到境港觀光中心寄存行李再去漁市場，漁市場當然要越早去越好啦。
另外後備方法係先去米子酒店放低野先，不過真係好唔方便，為左放低行李要將41分鐘嘅車程拉長成個半鐘‥‥‥
食咗少少嘢就等上車。原本車費要 1000 yen ，但係之前買左價值1000 yen嘅3日結緣pass係可以搭埋呢條路線㗎，真係超值。
架巴士行行下，經過由志園之後竟然！見到！江島大橋！
估唔到呢條路線都幾有驚喜，冇諗過會見到江島大橋(即係超級斜嗰條橋，好似過山車咁)， 但原來佢就係由志園果個小島連接住境港嘅主要交通道路黎。係google map都要放到幾大先show出黎，所以事前係唔知會經過，實物係一啲都唔似Ｄ相咁誇張㗎。
張相嘅效果係要去到對面岸先影到。
到咗境港站，一落車見到境港站附近已經有好多妖怪。
JR站隔離嘅觀光中心入面有大locker，如果行李太大可以直接寄存喺觀光中心j都只需要300 yen。
店員見到我哋之後冇聽我哋開口就已經知我哋係香港人， 可能真係係因為開咗米子航線比較多香港人黎鳥取呢一邊玩。
境港觀光中心嗰度其實係有一本passport畀大家拎嘅， 大家放行李嘅時候可以往咁我啱唔啱用。 呢個鳥取passport 裏面係會有好多鳥取嘅商店嘅coupon，包括鳥取 20世紀梨博物館， 鳥取砂丘附近嘅商店等等。
另外仲有一本冊子係用黎收集秘密收埋喺水木茂大道嘅印章， 大家可以收集曬所有印將之後再換禮物。
去漁市場可以選擇搭巴士但係班次就好疏，而水木茂大道就係喺境港站同漁市場中間，所以我哋選擇先行咗一邊嘅水木茂大道，再去漁市場。
水木茂先生筆下嘅鬼怪漫畫真係聞名全日本架，呢度佢係嘅故鄉，多得佢嘅精心策劃，先有呢個景點咋～
鳥取縣嘅別名又叫蟹取縣，當然係因為呢度蟹獲NO.1啦~我地都向蟹蟹進發緊~
連餐廳門口都有裝飾。
條街嘅鬼怪店舖都幾多，唔算好密，路程都遠下，如果打算同我地一樣行去最好食少少野打底先。
好多精品店，特產品， 其實就算連我呢一個冇睇過鬼太郎嘅遊客都會覺得好可愛好想買， 所以唔使擔心怕去到唔啱睇。
呢兩樣野係好多遊客都有買架，以我所知香港都有得賣～
沿路有好多得意嘅妖怪造型小食可以掃街。
佢係魷魚黎架，造型可愛～所以我都買左呢～有時間可以坐低食～
P.S.我都影左幾耐相架，不過店員好似見慣晒咁~
我哋一早就見到三隻妖怪喺條街度蕩嚟蕩去， 佢哋真係好搞笑呀交足戲㗎。呢度定時會有唔同妖怪出沒架！我地分兩段時間黎，希望可以睇到多Ｄ妖怪！
我就冇睇鬼太郎嘅，所以呢度Ｄ妖怪真係第一次見，我又唔想上網search佢地嘅名，我只可以講，就算唔係鐘意鬼太郎呢部漫畫／卡通嘅都會覺得好得意。
繼續向漁市場進發，向水木茂紀念館方向就啱架喇。
行左咁耐終於見到的士
連的士都有眼球老爹。
附近嘅店舖賣嘅手信主要都係以鬼怪造型為主，唔食得都睇得～
仲有鳥取縣最峴名嘅鳥取砂丘（我地都會去），有好多由砂丘Ｄ沙整成嘅紀念品。
盛產20世紀梨嘅鳥取當然亦都唔少得梨嘅產品。呢一隻個造型都幾靚， 係梨形啫喱嚟㗎，有果肉，送禮一流～以下呢兩樣都有買，Comment唔錯。
見到成日條街周圍都係窿， 原來係起緊新嘅裝飾同埋觀光設施。
呢隻鬼怪好入戲咁係行傻下傻下咁行黎行去，好搞笑呀！
行到去紀念館附近嘅大道，可以見到更多妖怪餐廳。
行到最尾會係喺水木茂紀念館附近 ，附近有一間專賣眼球老爹菓仔嘅店，真係超得意呀， 喺呢度必試嘅野食， 雖然唔係話好好食，都幾甜下， 但造型真係好殺食。
呢一個眼球造型和菓子應該係所有雜誌、旅遊書同Blogger都會推介！
用黎影相都好好玩～
上圖取自官網～
又見到呢隻妖怪出沒係水木茂紀念館前！
玩左勁耐都唔捨得食～原來係用麻糬包住紅豆同栗子餡，幾甜下。
行去漁市場行咗成大半個鐘都未行到因為沿途實在太吸引。 之後我哋專心咁行15分鐘左右就到漁市場， 附近真係超級空蕩蕩， 咩都冇。 與其話係漁市場不如話係一個用鐵皮屋搭建嘅超長嘅建築物。 其實話係漁市場都唔係好啱， 佢係一個水產批發中心(正名係:鳥取境港水產品批發中心)，入邊都有約十六間左右嘅水產店。
境港三寶！本鮪、松葉蟹、紅楚蟹。
所有水產都係超級平，不過種類就唔多，主要都係本鮪，夏輝蠔，紅蟹同蝦， 仲有少少其他水產望落唔係覺得特別好食，所有我地都主攻呢幾樣。
識食一定要食夏輝蠔，我咁為食點會唔識佢丫（嚴格黎講係所有好味嘅野食我都認得）～夏輝係天然岩蠔嘅一個品牌，要係鳥取出產，殼長13cm以上嘅先叫做夏輝蠔。又有海之牛奶之稱，6-8月當造，口感夠晒creamy。6月中就啱晒喇，一見到就叫朋友要即買即食。
揀左隻平平地，size算細嘅，但已經覺得好好食，完全唔腥，食完會想再食第二隻。朋友話要返灼，但仲有咁多好野食，唔好晒quota喇。
呢個時間唔會有松葉蟹架喇，紅楚蟹個價錢平到極點‥‥‥
Ｄ紅楚蟹多到會瞬間有密集恐懼症‥‥‥之前講過佢一上水蟹腳就好易甩～所以有大量蟹身、蟹腳出售。
呢度買水產係一份一份咁樣買，即係1000yen2000yen咁樣起跳， 冇得散賣。 但係因為真係太多食唔曬，唯同水產店店主講，希望佢哋可以分一半咁樣賣，哈哈，求係有用架。佢地即場拎咗啲新鮮蟹切開啲蟹腳畀我哋，好野！
呢度另外一樣名物就係本鮪（即香港叫吞拿魚），呢一樣係我黎到先知，事前真係冇做太多Research。鮪魚之中又以天然本鮪最貴，近年好多壽司店都會用養殖鮪魚，係日本海域附近嘅天然鮪魚買少見少喇！剛剛行過黎時，已經有路人同我講話漁船上面有大量本鮪上緊岸，話佢係大型鮪魚黎，叫我去睇下。
魚身中間就係赤身，唔鐘意太油太肥嘅可以食赤身。呢一間鋪係靠入另一邊入口差唔多最尾果度，見到D Quality真係好唔錯。
我哋去到嗰時已經係中午，唔係淨返好多嘅水產，全部都係早上嘅漁獲，仲係非常新鮮。 唔好期望呢度會有好多位畀你坐低食，只係得係入口大概三張枱左右。
呢個就係我地嘅LUNCH，唔好問幾錢，平到我都唔洗睇價錢。
唔好見D蟹腳好似好大條， 實際上佢比較似水蟹，好多汁但係比較少肉。食果時係瘋狂滴汁，我果日就係隻手有傷口俾D蟹汁拿到‥‥‥真係要坐低逐條啜。
你問我比起松葉蟹， 刺身計我覺得松葉蟹好食Ｄ，起碼Ｄ肉大大條實的的。我冇記錯應該只係買左600yen就有咁多蟹腳（買左半份所以半價左俾我）。
呢度啲蟹腳其實除咗用傳統嘅搣開用洗腳尖一邊度入去個蟹腳入面， 篤啲肉出嚟， 其實用手一隻向順方向，一邊向逆方向咁扭，就可以成條蟹肉扭出嚟。
如果佢轉做其他料理嘅話可能會更加好，例如一D會索汁嘅嘢（所以多數當地都係用黎做蓋飯、釜飯多）， 咁就唔會浪費咗蟹汁。
另外經有驚喜嘅，啲蝦，啲蝦隻隻都有蝦子同埋勁大隻好甜，比10分滿分。
最後一樣係本鮪，真心超推介，記得蔡瀾講過唔少日本老饕都鐘意食。
我唔係食家，但好西唔好食我都識分嘅。平時Ｄ壽司店食好多拖羅(toro)食落起一Pat魚油咁，未免太過over，唔夠魚味，我唔係咁鐘意。呢度嗰種魚香魚鮮味同油份達致平衡嘅境界，係令人難忘嘅，我哋買呢一盒Maguro嘅油份分佈都唔同，試晒三隻，非常非常好食。呢個quality，呢個價錢，我敢寫包單壽司店係絕對唔會有。
我唔係食家，但好西唔好食我都識分嘅。平時Ｄ壽司店食好多拖羅(toro)食落起一Pat魚油咁，未免太過over，唔夠魚味，我唔係咁鐘意。呢度嗰種魚香魚鮮味同油份達致平衡嘅境界，係令人難忘嘅，我哋買呢一盒Maguro嘅油份分佈都唔同，試晒三隻，非常非常好食。呢個quality，呢個價錢，我敢寫包單壽司店係絕對唔會有。
其實除咗買水產即場食都可以喺附近嘅兩間餐廳可以食魚生飯呀刺身之類。
另外亦都非常推介另一間係水產品批發中心附近叫かいがん嘅蟹放題餐廳，女士2500yen, 男士3000yen。我地原本都打算去，但我地今次係呢度已經用超平價錢，食到好飽喇，大家去嘅時候可以考慮下。
食完嘢之後我哋就要搭返100yen巴士（巴士:はまるーぷバス HAMA LOOP巴士 左回），搭大概8個站左右就返到水木茂大道行街， 其實呢邊啲班次都唔算非常疏,但係都要就時間， 因為有漁市場行返過去都要成半個鐘而且嗰邊係唔會見到的士咁濟。
返去境港站嗰邊再行另一邊嘅水木茂大道，見到周圍都起緊野，就知將來呢度會變得更多妖怪。
逢廁所LOGO都係妖怪，真係好欣賞佢地嘅細緻。
除左好多店舖之外，呢度有幾個位都係影相一流架！
例如呢個公園
呢個妖怪神社：
呢一間純粹黎用影相架，話明妖怪休息地，附近都有妖怪出沒架～同呢個景好MATCH。
呢間「妖怪工房」外型好得意，吸引左好多人入去，不過入面D野唔算特別。
最後當然唔少得妖怪樂園啦～
妖怪樂園其實係一個有啲小遊戲玩呀又有得唞有得飲嘢同食嘢嘅地方。裏面啲遊戲呀獎品同埋嘢食諸如此類都係以妖怪為主題。
當中我覺得比較得意既同都幾好飲嘅就係講幾杯沙冰嘅飲品，因為六月呢行落行過去嘅時候雖然都早上清涼但係行到中午嘅時候溫差太大，熱到好想死， 呢杯嘢就可以救你一命。
其實仲有室內架，不過都係一Ｄ遊戲機（舊式D果種)同有得掟下公仔入面（冇影），啱小朋友多Ｄ。
比較得意既同都幾好飲嘅就係呢幾杯沙冰嘅飲品，因為六月呢行落行過去嘅時候雖然都早上清涼但係行到中午嘅時候溫差太大，熱到好想死， 呢杯嘢就可以救你一命。
寧願係出面飲下野影下相，呢杯沙冰可以自選圖樣架，又有唔同口味，行到攰飲杯係爽嘅～
因為日本嘅觀光區嚟計好搞笑㗎，好多時買嚟買去都係同一條街都係差唔多嘅嘢， 有陣時真係好懷疑佢哋係咪全部喺同一個地方入貨，好似呢個杯‥‥‥我見間間鋪都會賣，丫唔係，係幾乎成個鳥取都會見到。
呢間叫「いまから」嘅店就唔同喇，有好多手做嘅妖怪精品都係一位大叔手造架，手工唔算非常精緻，但誠意搭夠。
呢個係夜光嘅手機防塵塞～
見到呢個哥爾夫球真係會心微笑～
最後買左呢個，呢一隻唔係間間有，而且同樣都係人手做，但造型可愛同精細Ｄ。
另外水木茂紀念館都係鬼太郎fans 另一個值得參觀嘅地方， 因為我真係唔係fans， 所以呢個景點我就自動skip咗啦。 要留意番所有妖怪都會喺境港站至到水木茂紀念館之間的一條路都出現， 唔同時間會有唔同嘅怪物出現㗎，所以可以好似我哋咁，朝早行完一邊，去咗漁市場先食飽飽喇 再返嚟行過另一邊， 咁就可以見到最多嘅妖怪。
因為其實呢一區除左水木茂大道唔算話好多嘢可以行，基本上我地11點到，下午3點左右已經行晒以上地方（而且我地係超慢速同間間鋪都睇勻）。如果真係多時間得制，可以去境港嘅另一個夢港塔，嗰度D餐廳企理啲，冇啱啱嗰隻買水產中心食得咁麻煩。不過我地費事再重複景點同埋唔係特別有興趣，所以我哋今次就skip咗佢。
如果唔嫌麻煩可以好似我地咁完成水木茂大道睇下有冇時間再決定去唔去由志園，要行返去境港站搭巴士出發。由志園係一個好靚嘅日式庭園花園，我地之前由松江搭巴士去境港時會經過，一
年四季都有好多唔同嘅花，環境清幽，好靚架， 最啱high tea。下一篇遊記再介紹～
實用網站：
江島大橋
地址：島根県松江市八束町から鳥取県境港市渡町
電話：+81 0859-47-0121 境港市観光案内所
交通：JR境港駅より車で約10分／乘搭由松江－境港的一畑巴士可經過
電話：+81 0859-47-0121 境港市観光案内所
交通：JR境港駅より車で約10分／乘搭由松江－境港的一畑巴士可經過
境港水産物直売センター（境港水產品批發中心）
網址：http://www.sanmaki-direct.jp/
網址：http://www.sanmaki-direct.jp/
地址：鳥取県境港市昭和町９－５
電話：+81 0859-30-3857
營業時間：08:00~16:00(星期二部份商店休息)
交通：
電話：+81 0859-30-3857
營業時間：08:00~16:00(星期二部份商店休息)
交通：
-
境港站乘市內はまるーぷ(Hama loop)巴士於境港水産物直売センター・境港港湾合同庁站落車約8~15分鐘
-
免費Shuttle bus只限星期六．日．公眾假期９9:30~14:30期間(每15分鐘一班)
-
由境港駅步行25分鐘
水木しげるロード（水木茂大道）
地址：鳥取県境港市末広町周辺
電話：+81 0859-47-0121 境港市観光案内所
電話：+81 0859-47-0121 境港市観光案内所
交通：由境港駅對出起始
ゲゲゲの妖怪楽園
地址：鳥取県境港市栄町138（水木茂紀念館附近）
電話：+81 0859-44-2889
電話：+81 0859-44-2889
營業時間：9:30分～17:00
交通：由境港駅站步行10分鐘至水木茂紀念館附近
電話：+81 0859-42-5210
營業時間：9:30～17:00 (無休)
交通：由境港駅站步行10分鐘至水木茂紀念館旁
交通：由境港駅站步行10分鐘至水木茂紀念館旁
(Visited 662 times, 1 visits today)