旅行能醫就自醫　小病治療小貼士

香港人返工壓力咁大，一放假就梗係去旅行啦！唔放假由自可，一放就即病，應該好多人都身同感受。呢個情況，係小編身上發生過九萬幾次，所以依家都有小小心得架！但係咪真係下下都要食藥先？其實可以試下呢D方法：

 傷風感冒

日本人咁長壽一定有佢原因，最主要原因應該係飲食方面，最好就當然由體內調理先。如果只係初起，可以去超市買士多啤梨、奇異果、蜜柑黎食。食完一盒之後呢，早少少沖個靚涼瞓，第二朝就冇事架喇！其實個原理就同飲檸水一樣，買酸酸地嘅野食，大量維他命C令到你打底病箘，咁咪唔洗食藥囉！

 發燒
一定要買退熱貼，之後睇下咩事發燒之，初起傷風感冒同上。仲要記得一樣好緊要嘅野，開窗！因為日本酒店好焗，唔係暖氣就冷氣，空氣唔流通分分鐘好返又再病過。

 食滯左

去旅行最慘就係食滯‥‥‥食乳酪同飲綠茶啦，呢兩樣野對消滯都好有幫助。而乳酪更加可以促進腸道蠕動，平時便秘都可以食架。

 皮膚敏感

皮膚敏感係最慘架！唔知搽咩好可以點算？去旅行一定要常備凡士林！無論天氣乾到敏感又好，定其他敏感咩都搽唔到都好，你至少可以搽佢！因為石蠟係惰性物質，係唔會對佢有敏感反應，同時你令阻住外界帶黎嘅刺瀲。

以上呢D小貼士由小編同朋友親自試過，都覺得好Work！咁當然啦～以上方法都要視乎個人體質，真係好唔舒服/唔對路都一定要食藥睇醫生呀。