日本超平通宵巴士買車票教學及實測：京都出發至東京

【注：本文不適合覺得搭新幹線好平之旅行人士閱讀】

今次旅行係為左同係香港出發嘅朋友去關東地區玩，我本身係京都。我早上７點半仲要同朋友去食魚生！但作為一個窮＿，可以點算？

日本朋友話，想平唔係唔得，要犧牲下囉。下？即係點呀？最方便同最平嘅一定係搭夜行巴士。故名意義係通宵巴士，大約2000yen起跳（早訂同有discount嘅話）。下‥‥‥我雖然窮姐，我又未去到要搭通宵巴士嘅地步呀？我唔想同D日本大叔仲要除晒鞋成巴士都係腳屎味咁訓覺‥‥‥‥

千萬般唔願意，都唔想搭通宵巴士，但：

內陸機

如果要搭內陸機，就算俾我咁啱搵到廉航平機票，最平最平連埋行李都要５千幾６千yen，但仲未計我去大阪嘅費用同等機、準備上機嘅時間起碼都要提早２個鐘喎，又未計由去機場同由機場出市區嘅車錢嘛！而且可能要係東京機場訓一晚，加加埋埋分分鐘要成萬yen！

新幹線

而新幹線呢，係就係最快，２個鐘到就到，但就要成１.3萬yen‥‥‥完。

咁即係冇啦？即係一定要搭通宵巴士啦！好！基本上我同一隻豬冇咩分別，要訓就好易訓得著，腳屎味姐，訓左咪聞唔到囉！

搵平車票：

最緊要識幾個日文單字(哈哈哈～我淨係識呢Ｄ架咋)：

最安値　夜行バス　比較（中譯：最平　通宵巴士　比較）

之後就會見到一揪網站都係比較網，我就揀左呢一個：http://www.busbookmark.jp/

呢個網都幾好嘅，佢會根據你想要嘅時間、地點list晒好多間唔同巴士公司出黎。

有Ｄ車係Grand少少架，咁當然會貴Ｄ！

巴士有咩設施同係咩性質都一目了然。（其實好多網都有，不過呢個就連好早好早想訂都可以見到，而且班次比較多，我覺得啦）

點解要睇呢Ｄ？少年你太年輕了。須知道，雖然本小姐係一個有武術底子嘅人。但夜媽媽又一個女仔‥‥‥萬一‥‥‥萬一咁點算？！

佢Search果度有好多野俾你揀，最緊要幾樣野：

「女性専用」/「女性安心」視乎需要啦～拿拿拿，2個司機呢樣真係好緊要，因為咁樣可以防止另一個眼訓導致有咩意外。通宵車用Wifi黎上網？我寧願訓覺。廁所呢其實真係可有可無，因為冇嘅話呢，佢地會每2-3個鐘停一停車放你去廁所，如果唔係腎虧同尿頻，基本上係一定頂到。

所以我最後揀左呢個，其實就係包左：「女性安心」、「乗務員2名運行」。

因為早訂，所以平少少盛惠 3,500円。可以係個網度用credit card俾埋錢。到時出發前print張confirmation出黎就ok喇。

23:15—京都鴨川十条出發

06:00—東京八重洲鍛冶橋駐車場

出發嚕

需要早15分鐘去到集合。

其實個巴士站同十条車好近，只係係一號/3號出口行5分鐘左右。咁當日呢，我就先先係超市買定2個麵包同一枝野飲等我可以係車度食。我同行有個成30kg嘅喼，都咪話唔奶野。好彩早左少少去，如果唔係拖住咁大個喼我都唔知可以點行‥‥‥

之後一路行行行‥‥‥咦，唔對路喎！點解前面咁空曠一D都唔似平時D大站嘅巴士站？！=______= 但明明Google Map咁寫，唔通佢呃我？

但沿途都有牌寫住話係前面架，又零零丁丁見到有Ｄ人同我一樣咁樣拖住個喼。

唯有再前行，終於見到有人影。OMG。個巴士站原來係咁嘅樣‥‥‥

Open到一個點。果日下午都仲落緊雨架，好彩晚上停左咋，呢度冇瓦遮頭架！！

門口有張大大張嘅班次紙，寫明幾點集合。

到時要係車站排好隊，上車前最好對一對個班次編號先，而工作人員都識英文，唔識可以問。

周圍環境係有好多好多好多旅遊巴，環境非常大，平時香港嘅旅行社巴士都可以係度搵到，應該係Ｄ團嘅車黎。

上車前15分鐘就聽到工作人員嘅召喚，排隊上車，佢會對名同安排個座位編號俾你。

上到去，巴士其實冇得挨到好平，但好過廉航好多，而且我一個人坐仲霸左２個位，可以將隻腳放出走廊咁打橫訓係度。

７個鐘車程中間停左３次車，其實已經好好。有Ｄ中途站明明都已經係半夜，唔知倣乜鬼超級多人落車買野食，搞到我都口痕。好彩買定麵包咋，比起廉航，通宵巴士時間係長少少但起碼人道Ｄ丫，又冇新幹線咁貴。

全程好多人都係除鞋訓，但都冇聞到腳屎味都算係咁。而且周圍環境都係落晒廉黑媽媽，一定訓到覺。但留意返啦~去中途站佢一定會開返燈，所以最好帶多副超去。

話咁快已經訓著左，仲比原定時間早左15分鐘到東京站！Yeah！全程完全冇辛苦感覺，非常好～

提一提要搭通宵巴士嘅朋友，都有以下幾點要注意返：

好多台灣/外國backpacker都覺得通宵巴士最大優點：

利用睡眠時間黎移動，而且價錢又平，可以玩到盡！

 

就係為左食你！！