【日本不可思議車站】奧大井湖上駅．水上浮島車站－靜岡榛原郡

大井川鐵道嘅「奧大井湖上駅」被日本人票選為「日本不可思議車站」之No.1，有睇過《千與千尋》嘅朋友都唔會忘記果架水上列車，而橫行於接岨湖及湖中浮島上的井川線鐵道，串起「奧大井湖上駅」及平田駅、接岨峽溫泉駅，仿如置身夢景中，車站亦係日本唯一水上浮島車站。

特別值得一提嘅係「阿伯特－長島水庫」路段，阿伯特站是齒軌鐵路的入口，會加一個動力推動車卡於車後端，到時乘客可下車拍照，連結完畢後再行發動上山。電力機車藉由前後轉向架中心齒輪吻合齒軌而推進爬升，呢個路段可飽覽長島水庫全部風光，列車到達長島水庫站後，推動車卡會分離。落山時會相反處理，即使唔係鐵道迷都會覺得好有趣。

由平田駅（ひらんだ）至接岨峽溫泉駅之間路段，尤如《千與千尋》內的水上列車的感覺。

海拔490公尺

最得意嘅係中間會經過一個無人小島「奧大井湖上駅」，中途可以落車走上鐵過上影景。

亦都係日本唯一齒軌登山軌道，鐵道迷唔好錯過！可以步行去橋上清楚見到齒軌。

雖然月台好細但仲放左一個可以俾情侶掛上鎖匙的愛心鎖。

仲有一個＂敲響幸福的鐘＂原來呢個秘境的都有咁浪漫嘅氣氛。

有人會係度舉行婚禮，真係夠晒特別！

有個觀景台，要行好多樓梯‥‥‥

又或者可以走上道登上展望台可以望到超靚景，最推介10月下旬嘅秋天景色，加上點點紅葉極靚。不過要小心嘅係，由於平時果度好少人，又係原生森林好多機根交錯，所以一個人出發要小心D，而且班次好疏，所以要留意回程時間。

去到記得先備水同食物，因為附近係冇商店，起碼到左接岨峽溫泉先會有商店。

秋天靚景

大井川鐵道簡介

鐵路全線分為本線及井川線，共通過隧道約65座，橋樑約45座，合計全長65公里。

本線：

本線係指金谷站至千頭站的路段，沿途所經車站分別有「金谷、新金谷、代官町、日切、五和、神尾、福用、大和田、家山、抜里、川根溫泉笹間渡、地名、塩鄉、下泉、田野口、駿河德山、青部、崎平、千頭」等19個車站，全長39.5公里。

日本著名的SL蒸氣列車（Steam Locomotive意即蒸氣火車）即行駛於該路段上，沿線常以蒸汽火車牽引懷舊客車運行，穿梭於靜岡茶園，亦有推出期間限定火車如Thomas小火車。

井川線：

井川線係指千頭站至井川站的路段，沿途所經車站分別有「川根兩國、沢間、土本、川根小山、奧泉、阿伯特（アプトいちしろ駅）、長島水庫、菲蘭多（ひらんだ駅）、奧大井湖上、接岨峽溫泉、尾盛、閑蔵、井川」等13個車站，全長25.5公里。路線最高海拔686公尺，最大坡度千分之90，最小曲線半徑50公尺，軌距為1.067米，車廂寬1.84米，主要為行駛柴油機車，全程搭乘約需1小時50分，只有分路段為電氣化。

奧大井湖上駅遊交通：

MLXLS