前幾年仲係暑假先有一班包機嘅沖繩，到今年4月有廉航Peach開左直飛那霸嘅航線之後，漸漸成為目前日本最高人氣渡假景點！
陽光與海灘唔啱玩？沖繩唔係只得陽光與海灘架！
根據非正式統計，去沖繩逗留得最耐嘅地方笨唔係海灘，而係超市！尤其係AEON！即將去沖繩嘅你絕對要小心，因為極大可能係AEON買到Out budget。點解？事關沖繩本島原本已經有5間AEON, 係4月25日仲開左全島第6間「AEON Mall Okinawa Rycom」，集飲食同購物於一身，有220間餐廳同商店，而且唔少更加係首度登錄沖繩，總面積有成21個足球場咁大，係全縣最大嘅飲食購物中心！
真係超大‥‥‥
門口仲有大大個魚缸！
有30間Tax Free嘅店舖，可以去統一退稅嘅couter 集中一次過搞退稅。
由空港到超市都只係40分鐘。
最貼心嘅係全館都有免費wifi，方便分頭shopping，咁就唔怕wifi蛋唔夠share啦！
商場東邊（正門左手邊）嘅2樓，有齊bikini同沙灘褲嘅Murasaki Sports，民族風outdoor look嘅Cayhane同全沖繩唯一一間XLARGE/X-girl，即時買返套新水著同整返套沖繩look都仲得！店內仲有好多限定版TEE，買黎做手信又得！
如果同小朋友黎，可以同佢地去露天小區「Rycom Village」內嘅Cayhane，露天Cafe可以玩彈床費事佢地扭計。玩完亦可以係區內買到Gohemp、 Wild Things嘅outdoor品牌同民族風雜貨，照顧晒一家大細嘅需要。
必搶商品
係場內西邊嘅「AEON Style」3/F家品部仲有神級Le Creuset煲！退稅後價錢只係香港定價嘅四折咋！雖然話係必搶，但事實上又唔洗爭架喎，因為大把貨，仲有好多特別色可以慢慢揀。
2/F 係化妝品專櫃，4/F係童裝，（如果好好彩佢地已經買左忘左形唔需要你嘅時侯），基本上男士可以抖一抖分開行。
幾時都話去日本除左買勞之外，第二樣要買就係相機！平過香港一大截。無論係防水相機定自拍相機，型號多不突止，功能又係最新！所以必去嘅就係同樣係3樓嘅Big Cinema。
AEON買手Selected Shop精選沖繩特產
美ら音.net(Churaon.net)店內全部都係買手們精心為遊客挑選嘅貨品，如日本威士忌、雪肌精、沖繩鹽、水果、燜燒杯等等，更自設退稅counter，即買即退超方便。不過要留意嘅係水果、冷藏品因為賞味期短所以不設退稅。
小貼士：驚買到大包細包好麻煩要拎住行？其實每層洗手間都設有locker，用時入100yen，用完盲會退返架喇！
1F正門左手邊嘅Tourist Information Counter有退稅服務、外幣兌換、觀光資料查詢等服務，一站式滿足遊客的需要！
超級Food Court「Rycom Gourmet」
第一次黎心大心細唔知食咩好？好正常嘅，事關AEON Rycom有成82間食店，不少更加係第云２登錄沖繩，係難揀少少架喇！建議可以去Rycom Gourmet，30間食店、二千個座位，壽司、拉麵、牛扒、咖哩、天婦羅雪糕水果乜乜乜‥‥‥都有齊！
逐gram計人氣牛扒いきなり！ステーキ Ikinari Steak
2013年年尾先於銀座開業，短短立年間已開左38間只供立食嘅食店。黎呢度終於唔洗立食喇！而且每g只係6yen~10yen左右。而且且切即以炭火燒至指定熟度，唔怪得要排成一個鐘啦，不過真係好好食，排多次都抵。
即切即磅即燒！想食幾成幾大塊都有得揀！
消暑輕食雪糕菠蘿包
可能牛扒會有少少heavy，如果想消暑輕食可以揀雪糕菠蘿包。店名係「世界で2番めにおいしい焼きたてメロンパンアイス」。朝十晚十嘅人龍未停過，仲要排成個鐘先買到，因為俾完錢之後，佢地就即時將新鮮菠蘿包切開釀入牛奶雪糕，外脆內軟，外熱內凍，而且超大件，完全係夏天炎暑恩物。
イオンモール沖縄ライカム AEON Mall Okinawa Rycom
電話：+81 (0) 98-930-0425
地址：沖繩県中頭郡北中城村アワセ土地區画整理事業區域內4街區
營業時間：10am-10pm(部份餐廳營業至11pm)
交通：從那霸機場約40分鐘的車程(全日免費泊車)
圖片: Google
(Visited 208 times, 1 visits today)