去日本少不免食下刺身、壽司、海鮮丼咁啦，但係一般的海鮮丼已經滿足唔到我呢個為食精嘅要求，我決定要去尋找極上海鮮丼！金澤近江町市場出晒名係金澤人的市場，一入到去林林總總嘅越前蟹呀、連殼海膽、喉黑呀‥‥‥但係人仔細細一次過邊食到咁多，食完海鮮丼先慢慢再食其他！貨比幾家之後，我最後揀左丼家ひら井，因為佢海鮮丼裡面有齊賣飛佛，價錢又適中，加上佢曾經被日本旅遊節目介紹過，應該有保證。去到個內口其實好細，仲要上樓架，不過鋪面個Menu太eye catching，一睇menu已經忍唔住衝左上去‥‥‥
Menu太大,一定唔會睇唔到,不過因為要上樓,所以唔睇個名會唔小心ｍｉｓｓ左。
樓上嘅鋪面。
由於係一早出發去當食早餐～當時並唔係太多人，唔需要等位，而店內仲有一位識普通話嘅waitress，仲有埋中文menu！（不過係簡體字^^””）「服務員！來個特選海鮮飯！」我揀特選海鮮飯係因為有蟹，雖然市場都有越前蟹食，但係都唔算平。同行友人就揀左近江町海鮮丼。
一黎到就已經未食就好興奮，仲要忍住唔食先等相機食先，有為十幾樣唔同嘅魚生！黎都金箔之都有金箔鋪係面添！
特選海鮮丼－十幾樣料，樣樣都超水準！注意：個碗係正常ｓｉｚｅ，只係魚生大件所以突左出黎，亦都係出名嘅原因之一。
近江町海鮮丼，其實都唔錯架！
中吞入口已經溶係口，基本上係同香港食大吞一樣！又有好鮮甜嘅海膽同越前蟹腳、肉同鉗，好難忘嘅美味！而同行友人揀嘅都好食，不過料就冇咁多，魚生好新鮮，友人對魷魚讚不絕口，又話香港果Ｄ超級難食痴牙，呢度新鮮爽脆！
其實近江町市場仲有好多間鋪頭專食海鮮丼，因為係市場，所以都好抵食，質素又非常好，不妨搵間有齊自己鍾意食嘅料啦～
近江町海鮮丼家 ひら井 本店
〒920-0905 金沢市上近江町２９（近江町市場内）
TEL：076-222-5887
営業時間：平日11:00～15:30
週六，週日及公眾假期10:30 – 15:30（定休日星期三，元旦）
(Visited 64 times, 1 visits today)