富山灣水域平均水深達300公尺以上，最深的地方超過1000公尺，面積約2120平方公里，每年３月～５月，都會被一片奇異的藍色螢光覆蓋，稱為「不可思議之海」、「藍瓶海溝」、「水中銀河」，係觀看螢光烏賊/螢魷(ホタルイカFirefly Squid)的最佳之處。
螢光魷魚平時一整日都留係百公尺深嘅海裡，只有夜晚先會游到海面附近，發出螢光係因為吸引異性黎交配，所以每年3月至6月亦都係佢地嘅交配期。
螢光魷魚無論生食或煮熟，都係超級好食。入口嘅感覺，係有一種海水嘅鮮魚腥味，咬下去又有一種魷魚嘅鮮甜美味，頭部一咬落去就爆出黃黃的漿，食完後係嘴裡散發出一股新鮮魚貝嘅甜味，再喝一啖sake就眞係人間美食享受。
識食，梗係食刺身啦。螢光魷魚好似拇指咁細，可以連肝臟同芥末醬油一起放入口，眞係食幾十隻都唔夠喉。螢光烏賊又稱為「富山灣的神祕」，於1996年(平成8年)被指定為富山縣的代表魚類(另外二種為白蝦與寒鰤魚)。
不過近年黎，越黎越多遊客遊覽富山灣，加上剛開通左北陸新幹線，預計人聲同燈光都會更加多，如果想睇到上面張相嘅效果，建議參加當地嘅海上觀光。清晨3點，觀光船會由滑川漁港出發，行駛到海岸線外1~2公里左右，漁夫就會拉起獨特捕捉螢光烏賊嘅定置漁網(只會捉到成人烏賊)，等螢光烏賊聚集得更密，遊客睇得更清楚！
富山灣螢光魷魚海上觀光資料：
滑川市觀光協會：http://namerikawa-kankou.jp/
預約專線：076-475-0100
預約電郵：info@namerikawa-kankou.jp
觀賞日期：4月3日至5月6日（必須預約）
登船時間：凌晨2時30分至2時50分
觀賞時間：凌晨3時出航
集合地點：螢光魷魚博物館－富山県滑川市中川原410
遊覽行程：滑川漁港→ほたるいか定置網→滑川漁港
費用：大人 5,000円，小童 3,000円
交通：
滑川駅步行約8分鐘至集合地點；
- 東京 ― 滑川
- 1. 北陸新幹線：東京 ― 黒部宇奈月温泉駅 約2小時30分
- 富山地方鉄道：宇奈月温泉駅 ― 滑川駅 約53分鐘 滑川駅步行約8分
- 2. 北陸新幹線：東京 ― 富山駅 約2小時08分鐘
- あいの風とやま鉄道：富山駅 ― 滑川駅 約15分鐘 滑川駅步行約8分鐘
- 大阪 ― 滑川 約3時間20分（JR北陸本線‧あいの風とやま鉄道）
- 名古屋 ― 滑川 約3時間30分（JR東海道線 高山本線‧あいの風とやま鉄道）