日本每個地區都有佢嘅名城，而今次呢一個名城係我特別期待，點解？因為佢嘅外表與眾不同，通常一般嘅城廓都係有圍牆，有護城河，但我一向心目中嘅名城，都係高高在上，唔需要太有氣勢，但就一定要有氣質！
去掛川都好易，搭新幹線11mins即到，不過為左慳錢都可以搭東海道線，只係幾個站。
呢度天氣同濱松差天共地，同香港一樣咁熱咁焗，落車第一時間搵locker，用21吋喼嘅好處係大部份車站都有呢個size嘅coin locker。
車站內仲有紀念品店。
其實呢度仲有花鳥公園同茶園，其實可以玩一日，不過玩一日又好似唔太值，因為附近都只係得民居，去到3點幾但好多鋪都關左，即係唔會有野行，加上興趣不大所以skip晒。
一出站好遠望過去一定可以望到個城，直行站出面右邊大馬路10分鐘就到。
真係熱到溶，雖然熱，但總好過落雨。
好古老嘅電話亭！
睇下條橋D木已經裂開！究竟有幾多年歷史？
入城門口見到2個忍者～selfie下～第一次見覺得好得意，佢地仲擺個忍者pose！
佢地好配合咁同我玩selfie~哈哈~
掛川城都幾受歡迎，除左好多本地人去外，都有極少量遊客（到依家都冇見到香港人…..）。佢係藍灰色瓦白垣的，加上有樓梯同青綠色山坡，靚到好似幅畫咁。
掛川城由今川義忠的上司朝比奈泰熙為了保護遠州而興建嘅。後來，由德川家康統治，以前曾經係大地震中，倒塌了一大半，不過，有一部份殘留下來，後來復修返。天守閣外觀妍麗韶秀，富有貴族氣質，所以被人頌讚為「東海名城」。
忍唔住要狂影呢個景!
要行好多級上去架
房檐上三角形部份叫做唐破風，火燈窗是鐮窗時代的造窗形式，運用兩種風格裝飾城廓，好Match好靚！
入去天守閣要除鞋，裡面全部都係木做，係日本第一座木造天守閣，幾百年黎都屹立不倒。
但樓梯好窄，上落要小心慢慢行扶實。
但樓梯好窄，上落要小心慢慢行扶實。
天守閣其實個個都差唔多，不外乎睇下景，睇下歷史文物咁。
再上就係頂樓喇！
之前去果D名古屋城，大阪城都極之商業化，反而上到後，覺得呢度好傳統，見到D窗呀，裝飾等都好原始。
四邊窗口引晒天然風入黎，勁涼爽。
出左天守閣仲有茶室同其他殿，不過下次黎真係要早少少，4點左右基本上都會關門。
咁多個城之中，呢個真係好有氣質。就好似武則天裡面個徐慧咁。
掛川城對出有兩間紀念品店，一間賣德川家康公嘅紀念品，叫遠州掛川 鎧屋，另一間係隔離馬路嘅，都幾值得一逛。
日本刀好平，做裝飾一流。
戰國時代嘅人有幾高？？？其實係咪想講佢地依家已經高左好多‥‥‥?
朋友練開日本劍道，好鐘意日本劍，都話要買返把！超平呀！
隔離就係時之栖 こだわりっぱ同掛川天然温泉足湯カフェ。有餐廳、土產店同溫泉，出面又有位食雪糕。
好多人都會去免費足湯浸一浸，只需買條100yen毛巾。
土產店賣嘅野種類頗多，係呢度竟然買到最多至愛野食。
靜岡名茶葉～呢度除左有茶葉仲有綠茶蕎麥麵賣！非常鐘意思一類可以買返屋企煮嘅野！
好想買‥‥不過屋企D紀念品真係多到冇位放-___-
下一站就係靜岡喇，靜岡係大站黎，最快係坐新幹線到14mins左右。
因為想趕呢班新幹線，我打破自己買飛拎行李嘅紀錄。3分鐘前，我仲滋滋悠悠係車站外影相，諗住miss硬班車。突然想早少少到靜岡，唔想miss，就衝去coin locker拎行李同買新幹線飛，之前明明買飛都要睇清楚，果刻點解可以快而準，之後因為拎住行李上電梯，快唔到，只好乾急，但班車已經夠鐘開，上都去唔理咩入口，衝左先講，車站職員叫我快少少上車，要開喇，成個過程只3mins。
搭完呢一班車就到靜岡市喇！係幾旺嘅地方，有時間俾我買下野～搵下好野食，最緊要嘅係我Book左一間幾唔錯嘅酒店！所以好期待呀！
掛川城
地址：静岡県掛川市掛川1138番地の24
電話：0537-22-1146
開館時間：
2月1日～10月31日／9:00～17:00（入館至16:30止）
11月1日～1月31日／9:00～16:30（入館至16:00止）
門票費用：天守閣・御殿／大人410円 小中學生 150円交通：
名古屋－JR新幹線1小時至掛川駅，I.C. 東名高速1小時30分鐘
濱松－JR新幹線13分鐘至掛川駅，I.C. 東名高速16分鐘
東京－JR新幹線1小時45分鐘至掛川駅，I.C. 東名高速2小時40分鐘
靜岡－JR新幹線15分鐘至掛川駅，I.C. 東名高速35分鐘
從掛川駅步行7分鐘。
電話：0537-22-1146
開館時間：
2月1日～10月31日／9:00～17:00（入館至16:30止）
11月1日～1月31日／9:00～16:30（入館至16:00止）
門票費用：天守閣・御殿／大人410円 小中學生 150円交通：
名古屋－JR新幹線1小時至掛川駅，I.C. 東名高速1小時30分鐘
濱松－JR新幹線13分鐘至掛川駅，I.C. 東名高速16分鐘
東京－JR新幹線1小時45分鐘至掛川駅，I.C. 東名高速2小時40分鐘
靜岡－JR新幹線15分鐘至掛川駅，I.C. 東名高速35分鐘
從掛川駅步行7分鐘。
時之栖 こだわりっぱ & 掛川天然温泉足湯カフェ
地址：静岡県掛川市城下6－12 & 掛川市城下6-15
電話：0537－24－8700
營業時間：(不定休)
足湯cafe 9：30～17:00（最遲入場16:30）
土產店9：00～18：00
餐廳11:00～15:00（L.O.ー14:30） 17:00～21：00（L.O.20:30）
交市：從掛川駅步行7分鐘。
電話：0537－24－8700
營業時間：(不定休)
足湯cafe 9：30～17:00（最遲入場16:30）
土產店9：00～18：00
餐廳11:00～15:00（L.O.ー14:30） 17:00～21：00（L.O.20:30）
交市：從掛川駅步行7分鐘。
遠州掛川 鎧屋
交通：從掛川駅步行7分鐘。
(Visited 131 times, 1 visits today)