搭廉航嘅7大心理準備

近排有個港女大鬧航空公司又話病又話人地serve得差，其實搭得廉航就唔洗旨意人地當你公主王子咁serve你啦！一齊黎睇下搭廉航嘅7大心理準備啦！

1. 無免費餐點和飲料

好多時係買飛時，可以選擇另外加錢購買餐點。如果你好喜歡上到飛機想食雪糕黎止咳絕對可以係飛機上向服務人員購買。

2. 無免費視聽娛樂和器材

廉價航空唔會好似傳統航空有免費提供電影或電動，甚至提供電子器材俾乘客。不過大多數廉航都唔會要你搭十幾廿個鐘，如果真係要搭咁耐，你都唔會揀啦下化？

3. 超低票價咩都額外買

廉航講嘅機票價錢通常就只係單純機票價，並不包含餐飲費、拖運行李費用、毛毯和指定座位費，如果需要上述服務的話，則需要在購買機票時另外加錢。

4. Delay/取消

相信不少人都會遇過呢個問題，呢個問題真係無可奈何，早前香草航空就試過取消航班搞到網民嬲爆話要Blacklist咁話。不過除左好睇你好唔好彩之外，識買旅遊保險都會冇咁傷架！

5. 服務人員數目少

由於慳左唔少服務項目，如派餐，機上所需空姐和空少人數都會大降低，至多5或6人要服務約近200人嘅乘客。所以有公主病記得要帶兵，佢地真係唔會有咁多時間take care咁嘅病人。

6. 禁止攜帶外來食物

雖然講到明係唔俾，不過九成香港人一於少理，野飲又有包又有‥‥‥想飲水都可以理解，野食就最好食機場食左先出發喇！

7. 行李托運限制

大家最愛嘅日本航線嘅廉航如HK Express、香草航空、同樂桃都一概會收托運行李費，超左重，當然要俾啦錢！而且係機場俾會貴過係上網預先book定重量架添！記得大肆shopping完都記得留返少少Cash，萬一要額外俾錢都唔會咁麻煩丫嘛！

 （其實買個行李秤咪唔洗咁煩囉）

如果病左都要考慮可好唔好取消個行程，費事自己辛苦得黎，連其他人都陪埋一齊難受呀！另外，小編都試過上到廉航先黎唔舒服又冇水，空姐都好好咁俾杯水我食藥，同提我有咩唔舒服可以通知佢地。有D野唔係發爛渣就大晒嘅！

廉航雖然係平，不過都要睇下自己適唔適合，通常一家大細，有小朋友、老人家咁最好搭傳統航空公司會比較舒服。

圖片：Google