去到靚景成日都好想寫底同遠在香港嘅親人同朋友分享當下感覺同靚景，所以慢慢我都有一鋪Postcard癮。成日寄Postcard都希望：如果可以用自己影既相自製成Postcard一定更加特別同有意義！仲可以好冧冧豬咁製成同男/女朋友去旅行時嘅照片寄返俾對方同寄下感動句子，一定sweet到爆！
日本7-11除左有好多美食之外，好多設備都好好用。今次介紹呢個唔起眼嘅設備就係登登登登櫈！Printer !日本人真係超貼心地整埋呢個function出黎。
呢部Printer你幾乎可以係所有7-11搵到。
好簡單！但你先要download一個7-11 Print野app：セブン−イレブン マルチコピー
Google Play
App Store
你可以預先將你想印嘅相放入手機度後期加工美圖磨皮加filter合拼等等。搞掂之後就去7-11搵果部Printer，跟住以下步驟，按橙色框內的掣就可以下：
首先按Print。
再揀「はがきプリント」，即係print post card。
同意所有條款啦~
之後就揀上面果款再按右下同意。
如果用手機send的朋友請選用Wifi收取。當然亦都可以用SD Card用Send。不過我就建議用手機，因為可以tune色,又或者後製先再印。
之後見個畫面就要拎出你手機，開wifi連去「7-11_MultiCopy」喇。
連左去7-11_MultiCopy之後就要開返之前download個app
之後按「確認」
按「プリント」即係print。
進入呢個畫面就可以按右上角的「追加」。
選第一個「写真を追加」加照片。
可以選你手機內的照片。如果用app合拼相嘅話留意返如果用app合拼相個比例係3:4嘅話，印出黎上下2條邊係會比較闊，白邊較多。
加晒之後，記得記得選返最下面正中間果個做「はがきプリント」。再按「送信」。
之後部Printer會一次過收晒你嘅照片。
選擇需要印刷的照片，一次只可選一款，再按「決定」。
選好照片後選擇微轉印刷效果，左邊為自動，右邊可以自行調較。
自行調較可以再adjust上下左右及大小。完成後再按「決定」。
開始印刷之前，要先選好數量，再選支付形式，可以用現金入coins。
入完金額再按「プリント スタート」開始。如果很多張要印的話，可以入晒你預算的要支付的金額，唔洗逐次入。
留意返彩色是60yen一張，黑白係20yen，比起一般明信片其實平好多。選彩色再按決定。
之後就開始印刷喇！
完成印刷的時候可以選按右上「終了」結束或按右下角的繼續印刷，繼續印刷的話，畫面會返回到至選擇照片的步驟。
最終完成品可以在這個位置取出。
大功告成 ! 成個步驟都不用10分鐘就可以印出有自己回憶嘅明信片，明信片後面係同一般一樣有位俾你貼郵票同寫郵寄地區號碼。
郵寄地區號碼：寄返去香港係唔需要寫架，因為香港是沒有的。
係日本買郵票又係一件會令人嘔血嘅事。如果你同店員講stamp，佢地係唔會明你講咩（買到嘅機率係10%only)。
郵票：由日本寄返香港要買70yen嘅郵票，7-11已經有得賣，留意返一定要講「切手」（音:揭．te）「￥70」( 音: nana蕉yen )。人地唔明可以寫俾佢睇，又或者簡單少少指住明信片個郵票位講70yen通常都會明。
現代人真係好少再寄野，所以提提大家。最好只寫一個英文地址，寫係post card最上的位置(即係果D方框下面)。試過有人好搞笑地，將個回郵地址同寄送位置調轉寄，之後仲話係日本寄post card成日都收唔到‥‥‥
可以發揮你嘅創意，盡情DIY你張Post card，收到嘅人一定會覺得好warm！
(Visited 1,375 times, 1 visits today)