依家Yen又升緊，連廉航嘅行李費都貴左！買爆喼可以點算？可以點樣最平咁返黎香港？有咩步驟呢？未雨綢繆學定點樣寄最實際。一般日本郵呢Ｄ包裹果都會用到2種機構：宅急便快遞 同 日本郵局，等TraveLa為大家講解下啦！
宅急便最啱懶人唔洗煩又快
好多大型連鎖式酒店都好好，只要你Pack好晒，填好地址呀咁樣，佢地可以叫宅急便公司去酒店收。當然，酒店有個好處，你唔識填，職員都好貼心咁幫你填，而且唔識填/有咩資料miss左/錯左都可以溝通到。再唔係，去到宅急便公司，職員知你係外國人都會叫你填簡單幾項資料，冇郵局咁多野填。
價錢方面比日本郵局嘅EMS平少少，同空運差唔多，當然都要視乎個別公司而定，通常都會快少少。
日本郵局多選擇 價錢大眾化
有分為４種嘅運送方式及特點：
-
空運—國際郵件服務，飛機運送，可追蹤郵件，急凍食品的空運服務
-
標準航空(SAL)—同樣會用航空運送，但唔係每個國家都會受理SAL郵件（香港接受），可追蹤郵件
-
海運—最便宜運送方式
-
EMS—國際郵件中最優先受理、可追蹤郵件
郵局最方便係可以因應唔同嘅寄送物品，選擇唔同價錢同送遞時間嘅運送方式。
寄送建議：
-
空運—貴重物品、急凍食品
-
標準航空(SAL)—較緊急使用的物品
-
海運—不緊急使用的物品
-
EMS—最緊急的物品（不可送貴重物品如珠寶、首飾等貴重物品、金錢等）
寄單到底點樣填呢？
如果用日本郵局嘅話，職員會叫你自己填，唔洗驚填錯寄唔到，職員會好細心幫你望一次（地址錯就幫你唔到喇）。EMS格式如下（其他都係差唔多咁多野填）：
1.「FORM」在左上方橙色框的「Form」一欄，最頂一行填上姓名、下方再寫上地址。最底部再有郵政編碼及電話號碼的空格，找酒店的日文地址，如：〒160-0023東京都新宿区西新宿6-6-2，就填〒後的一堆數字160-0023。
2. 「TO」右方的藍色框「TO」自然是填上收件人姓名及住址，如圖所示。但由於香港並無採用郵政編碼系統，通常小編會填00000。
3. 「內容品的詳細記載」最下方的綠框則是填寫「郵寄物件內容」，須以英文或日文詳細填寫。
A：填寫物品的名稱及用途，如以個人身份使用服務時，可如圖顯示般填寫「Personal Use」
B：填上物品的產地
C：填上託運物件各自的具體的件數、重量及價格
D：按物品的類型在不同空格上打上「X」
E：如希望託運方就2萬日元以上的物品損失賠償，可在空格內填上相關金額
F：在上方的空格打上「X」，以示確認該物品並非危險品；然後再在下方的署名一欄上簽名
俾個小貼士大家，填form前可先請職員幫手磅一磅幾重先決定用邊種方法寄。郵寄物品重量限制於30kg內，長度唔可以超過1.5米，而長度加周長必須係3米以內。
相關資料:
(Visited 1,078 times, 1 visits today)