第六日嘅日本關東自由行我哋會連續stay喺橫濱兩日，呢日橫濱天氣真係差，一早已經烏雲密布，下晝應該會落雨，所以我哋今日全日主要都係喺shopping mall度作戰。
嚟到呢個曾經有好多洋人住過嘅地方當然要食個西式嘅早餐啦。朝早我哋就去做橫濱紅倉庫嗰邊嘆返個靚早餐，點為之靚？要食梗係食世界第一早餐之稱嘅Bills。東京市內嘅分店成日都要大排長龍，唔知係天雨關係即係定係呢一間真係唔需要排隊，去到等左幾分鐘就可以入去喇。
 紅倉庫底下藍色玻璃嘅部分行到尾就係Bills嘅所在地啦，天氣好嘅話仲可以見到海邊嘅景色。
呢度嘅早餐一啲都唔平㗎，係咁意食呢個set都已經要2900拿，玩下手都要三千幾落樓，拍得住晚餐價錢，雖然係貴，但係嗰個分量㗎多度呀食完之後你都唔使食lunch。
講番comment，呢一個連荷里活明星都要食嘅pancakes非常鬆軟，加埋我超鍾意食嘅香蕉簡直係完美。
  
 其實就算之後有人入嚟就係都唔算好多人，可能呢度位置都好多，唔使等埋咗耐。
食完嘢之後原本諗住去cosmo world嗰邊玩，但因為落雨嘅關係，唯有行下紅倉庫、World Porters同Queen Square呢幾個好近嘅商場唔使淋雨。
Cosmoworld其實有好多機動遊戲我都好想玩㗎，例如呢個巨型摩天輪啦同埋好似直插入水嘅過山車同呢個急流。
好多機動遊戲都唔開，冇乜人嚟玩，感覺有啲滄桑同唏虛。D雨都唔細架，梅雨李去旅行就係咁架喇。
 有去過橫濱港區未來21嘅都知道嗰面好多商場，夠你行足一日。究竟有邊幾間係好好行嘅呢？我就鐘意行紅倉庫、World Porters同Queen’s
三個商場都各有特色，紅倉庫出售好多手作嘅飾物、特色飾物，有時仲會有攤位係賣即製嘅手作飾物，鍾意手工藝品同特別嘢嘅朋友千祈唔可以錯過。
Worldporters就比較多時裝，男女都有（個人認為男裝不錯，而且比一般商場多），價錢係中等價位，次次去到都會有收穫。今次去到呢我就係呢一間鋪頭買左袋同埋casual嘅衫褲鞋襪，收獲豐富。
 日本嘅水晶鏈永遠都係做到好時可愛時尚唔老土。
我最鍾意嘅迴轉壽司店三浦三崎港就位於WorldPorters㗎喇。今次我都唔例外，去咗食幾件壽司做下午茶。
腳蟹壽司好好食~~~已經係第二次黎呢度食喇~
Queen’s Square應該三間之中較為最高檔嘅商場，裏面有林林總總嘅店鋪，更加有好多唔同牌子嘅時裝，無論大人細路都有，而且成個商場嘅設計好有空間感覺好舒服，相就冇影太多，因為我地去左獨狂試衫，買衫買到破左產。
眨下眼就已經到咗傍晚時分，落完雨之後竟然就出現粉紅粉紫色嘅天空，好靚呀。
見到呢個場景好明顯係我哋拎緊戰利品返酒店經過見到嘅景色啦，所以話住係Hotel Edit Yokohama最好係可以成見到呢個咁靚嘅夜景。
夜晚時分我哋要走去醫肚啦，今次我哋就行遠少少去馬車道，馬車道其實嗰度有一間係Tabelogtop5000嘅餐廳，當地人都好熟㗎啦，叫做勝烈庵，專食吉列豬扒。
由1927年創業起直今已經有90年歷史，佢其實仲有四間店舖㗎，不過呢一間係最老嘅本店。由於外牆經過翻新所以睇唔出佢有歷史嘅痕跡，去到嘅時候幾乎冇遊客亦唔洗排隊。
我哋被安排坐喺師傅面前睇佢製作吉列豬扒，因為佢係open kitchen呀可以清楚見到製作過程同埋佢哋熟練嘅手勢，好似睇表演咁。餐廳環境仍然係保留住日式木嘅風格，我哋今次就點做招牌嘅吉列定食，價錢都係千幾yen起，百年老店嚟講我覺得唔算貴，而且又唔需要排隊。
食飯嘅時候可以留意下佢對筷子係用熊野古道一嘅木材製作嘅，可以拎返屋企循環再用，咁有heart咁環保嘅餐廳都係第一次見。
好快就上菜喇，呢度嘅豬扒其實比較多瘦肉，如果食慣肥扒嘅人可能會覺得有少少乾。我就覺得恰到好處啦又唔乾而且仲有豬扒肉汁，幾好食，即炸嘅視覺效果真係好好。想體驗下近百年老店嘅感覺，就可以嚟呢一度喇。
  
食完豐富晚餐與散下步啦。本來橫濱就係一個華洋混集嘅地方，晚上D西式建築都著晒燈，完全唔似去左日本咁。
由馬車到出發去大棧橋嘅途中可以見到有好多呢啲燈，喺度燈下影相係咪好有美感呢？
沿住呢D燈行好就會到大棧橋碼頭。
 我係好鍾意大棧橋國際客船terminal，覺得好cyber好靚，尤其是夜幕低垂嘅時候，感覺係好似去咗一個外星基地咁。
 唔少人都會係呢邊取景，沿住甲板行上去就到觀景嘅地方。嗰度有少少櫈，好多男女都會係度拍下拖。
橫濱嘅美景只有喺大棧橋碼頭上先去睇得清楚，今次再遊橫濱，呢個靚景仍然值得我一睇再睇。
  
以上可能係大家好熟悉嘅橫濱，之後一日我就會去中華街、元町、山手西洋館同埋新橫濱，發掘另一面嘅橫濱(一日去曬咁多個地方真係好誇張)。
横浜赤レンガ倉庫（紅倉庫）
地址：神奈川県横浜市中区新港1丁目1番2号横浜赤レンガ倉庫
交通：みなとみらい線「馬車道」站下車 徒歩8分
​
ビルズ横浜赤レンガ倉庫（Bills Yokohama）
網址：http://bills-jp.net/
地址：    横浜赤レンガ倉庫2号館1F
電話：045-650-1266
營業時間：星期一7:00–17:00;其他日子7:00–21:00
交通：みなとみらい線「馬車道」站下車 歩行8分鐘
​
横浜WORLD PORTERS
網址：https://www.yim.co.jp/
地址：神奈川県横浜市中区新港二丁目２番１号
電話：045-222-2000
營業時間：10：30-21：00 (部分店舖除外)
交通：みなとみらい站、馬車道站下車 歩行5分鐘
​
Queen’s Square
網址：http://www.qsy-tqc.jp/
地址：横浜市西区みなとみらい2-3
電話：045-682-0109
營業時間：店鋪11:00〜20:00 餐廳 11:00〜22:00
交通：みなとみらい站(上蓋)歩行0分鐘
​
勝烈庵 本店
網址：http://katsuretsuan.co.jp/
地址：横浜市中区常盤町5-58-2
電話：045-681-4411
營業時間：11:00~21:00
交通：
JR根岸線「關内」站北口歩行5分鐘
横濱市営地下鐵「關内」站歩行1分鐘
​
横浜港大さん橋国際客船ターミナル(大棧橋碼頭)
網站：https://osanbashi.jp/
地址：橫濱市中區海岸通1-1-4
電話：045-211-2304
開放時間：全年開放
交通：日本大通站步行5分鐘；從JR、市營地鐵關內站步行15分鐘
​

 

(Visited 88 times, 1 visits today)