我地又搭返巴士去返輕井澤車站，由於班次太疏，我地決定行路去舊輕井澤銀座，附近嘅小店特色野唔多，好多都係老一輩嘅服飾‥‥‥
唯獨呢間好近舊輕井澤銀座嘅店鋪，佢出售馬皮製作嘅男裝袋，手工同設計都好型有vintage。
好多朋友仔會覺得去日本做咩要買中國製嘅野？但其實出口去日本嘅產品質素好高，唔睇個牌係唔知中國做，有時都幾唏噓，點解要係日本買返中國製的高質產品‥‥‥日本人真係QC得太好！好有衝動買俾男朋友～
呢間鋪附近就已經係舊輕井澤銀座，佢係一條有好多嘢買嘅老街，可以話係成個輕井澤最繁華嘅地方，當然有唔少鋪頭係做專遊客生意啦。
一黎到就可以見到一間超超超超超大間嘅土產店，我都唔記得係咩名，好多野賣，掃手信一流。
去到已經兩點幾、三點，唔係太多時間行。
沿呢條路行入去其實仲有另一間教堂，但我地就冇去喇。
呢間GATEUA DES CLOCHETTE嘅cheese tart係我非常想試㗎，係呢度人氣芝士餅，當地旅遊雜誌好推介嘅美食之一。原本諗住陣間先食，回程嘅時候已經閂咗鋪賣曬喇‥‥‥接二連三嘅打擊今個Trip究竟發生咩事？！！！
聞到都已經好想食‥‥‥食唔到真係好飲恨。
都見到有介紹呢個cake，好多人都專程黎買～
呢架觀光巴士真係好少見到，好多遊輕井澤嘅遊客都會選擇單車。
呢間就係大名鼎鼎嘅淺野屋，東京都有分店。黎到呢到嘅人都一定要試下佢嘅麵包，因為呢度有限定麵包。
當日去到下午時分已經所剩無幾‥‥‥幾搶手！
限定商品個個都讚口感綿密細緻，係人氣之選～～
裡面除左出售麵包，仲係Coffee shop，有蛋糕甜點等嘅tea set。
仲見到有一間專賣蜂蜜嘅舖頭。
呢一個product真係夠曬嚇人。
經過附近嘅一間寫真店，呢間寫真店係幫客人拍攝以前明治時代嘅輕井澤貴族服裝，佢哋會著曬洋服喺郊外拍攝嘅照片，未黎之前已經覺得好搞笑，好想試。
當日已經熱到標曬汗，如果會著住呢Ｄ大大件洋服去到郊外又要俾蚊針嘅話‥‥‥我覺得我會好想死，所以呢我哋都係揀咗喺室內度拍攝。
呢啲衫全部都係one size，要靠扣針固定。
我哋兩個女仔去剛好可以互相幫大家著咗呢件咁棘手嘅衫，影咗成個鐘，拍出嚟嘅效果我哋都好滿意。次次去日本都係著和服今次試下洋裝又幾得意。
攝影師會將我哋嘅想寄返去香港，到時我哋就會直接喺香港收到呢啲相㗎啦，仲可以揀唔同尺寸、質地同埋加唔加相框，3880 YEN起。
另外呢亦都會經過呢一條church street，裏面都幾多嘢食㗎。
行入去大部份都係餐廳同一D小店，唔太吸引，入面最吸引我嘅係個廁所？
唔方便所以冇影，我去左日本咁多次都從來未見過要入錢嘅廁所，所以就衝左入去，以為會好豪華。=.=伏晒，唔覺得有咩咁特別，仲要唔算非常乾淨‥‥‥
入口附近嘅甜品店賣嘅雪糕好吸引呀，係用當地嘅牛奶製成嘅，個雪糕都唔錯，大家可以試下。
即製朱古力，可以睇晒成個製作過程～
牛奶味香濃又不膩，真心好食～晚上要留肚食燒烤。
玩完影相,食埋雪糕都5、6點，好多店鋪都開始關門喇。今晚我哋要去食燒烤。要特登去到中輕井澤JR站附近嘅一間餐廳，呢間餐廳好靚㗎一間小木屋裏面，其實佢係一個度假區，附近都有好多小木屋可以租住嘅。
但係當然冇大酒店group嗰啲木屋仔咁靚啦，如果一大班朋友嘅話都可以試下佢哋嗰邊嘅小木屋同埋佢哋可以喺個小屋小木屋出邊度燒烤嘅，又或者可以好似我哋咁去到呢一間佢哋嘅canteen嗰度燒烤。
Menu又點止咁少野食? 我地叫左一個ろぐ亭セット，咩都有D，仲叫左個海鮮set
有中文Menu，明顯係遊客專去。
雖然係做遊客生意，但都唔貴。
當晚都幾多人而且都見到有唔少香港人，除咗點咗海鮮之外，我哋仲叫咗一碟牛牛。
有牛嘅唔同部位，自己燒，呢度份量望落去唔多，但其實係已經好夠食。我哋食到飽飽咁走，非常滿足。可以話係輕井澤呢兩日以嚟嘅每一餐都係非常有食神～～
之後就返返酒店休息啦，要準備之後一日嘅行程，喺輕井澤都算玩咗三日兩夜。聽日就會有半晝喺輕井澤下午我哋就會去到附近嘅伊香保溫泉，我地成個旅行最期待嘅溫泉旅館。
可能有人就覺得好奇怪點解會喺六月都浸溫泉呢？其實溫泉呢就冇分季節嘅，加上我哋去嘅地方都係一啲避暑嘅地方，你見我哋都著緊長袖衫就知嗰度仲係日夜溫差好大嘅，都仲可以浸溫泉㗎。
實用資訊：
星野Shuttle bus巴士時間表：http://www.hoshino-area.jp/shuttlebus
舊輕井澤銀座通
網站：http://karuizawa-ginza.org/
地址：長野県北佐久郡軽井沢町大字軽井沢８７８
電話：+81 267-42-5538
營業時間：09:30–18:30
交通：輕井澤站乘巴士4分鐘
地址：長野県北佐久郡軽井沢町大字軽井沢８７８
電話：+81 267-42-5538
營業時間：09:30–18:30
交通：輕井澤站乘巴士4分鐘
電話： +81 267-46-8311
營業時間： 10:00–17:30(星期二定休)
營業時間： 10:00–17:30(星期二定休)
電話：+81 0267 42-8309
營業時間：7-9月每日營業外，其餘月份不定休。
Church Street
地址：長野県北佐久郡軽井沢町軽井沢601-1
電話：+81 0267-41-2501
Bon Okawa Karuizawa Chocolate Factory
地址：長野県北佐久郡軽井沢町軽井沢 601-1 チャーチストリート軽井沢 1F 100号室
電話：+81 0120‐392‐368
營業時間：10:00～18:00(隨季節變動)
ろぐ亭
地址：長野県北佐久郡軽井沢町長倉3148-1
電話：+81 0267-45-234
營業時間：11時～14時(LUNCH)・17時～22時（Dinner）21點最終入店． 21時30分last order
定休日：星期三
營業時間：11時～14時(LUNCH)・17時～22時（Dinner）21點最終入店． 21時30分last order
定休日：星期三
(Visited 148 times, 1 visits today)