​

​日本觀光經濟新聞社豎每年都會聯同旅遊業界票選出「日本溫泉100選」。今年第29回名單已經出爐喇！草津溫泉再蟬聯溫泉之首！唔講唔知，人氣超強嘅草津溫泉已經係連續13年位排第一！九州由布院溫泉繼續保持第二名之位，第三名依然係美人湯下呂溫泉！溫泉種類多嘅九州有4個溫泉擠身十大，認真巴閉！

  1. 関東－草津溫泉
  2. 九州－由布院溫泉
  3. 中部・甲信－越下呂溫泉
  4. 九州別府－八湯溫泉
  5. 近畿－有馬溫泉
  6. 北海道－登別溫泉
  7. 九州－黒川溫泉
  8. 九州－指宿溫泉
  9. 四国－道後溫泉
  10. 近畿－城崎溫泉
頭十位溫泉其實大家都好熟悉，不如睇下近3年人氣升得最快嘅溫泉啦！
栃木縣那須鹽原市－鹽原溫泉（平均上升36位）
－風濕病,婦科病,腸胃病,關節痛,五十肩,神經痛, 皮膚病
交通：JR東北新幹線從東京車站至那須鹽原車站約1小時15分鐘
位於那須偏西南嘅鹽原溫泉鄉有七種唔同水質嘅溫泉。因為位於箒川上游溪谷有11個不同泉質嘅溫泉，所以鹽原溫泉鄉嘅溫泉又有「鹽原十一溫泉」之稱。
其中傳說第一個被發現嘅溫泉“鹿之湯”係於630年前，因為被獵人射傷嘅鹿仔浸係溫泉中而被泉水醫好而得名。故事美麗、風景更美麗，附近除左有本州第一大吊橋－紅葉谷大吊橋、仲有壯麗嘅山景同“龍化瀑”等百條瀑布。加上最大規模嘅足湯設施“湯步裡”同家庭牧場、那須動物王國等，非常適合一家親子自駕遊同享受寧靜而輕鬆嘅溫泉之旅，所以溫泉鄉嘅絕景溫泉旅館越黎越受歡迎。
那須鹽原有D咩?
Hunter Mountain 百合園
那須動物王國
明賀屋本館係非常受歡迎嘅溫泉旅館，唔少日本溫泉雜誌都有介紹過架！
湯守田中屋嘅絕景溫泉亦都令人豁然開朗。
新潟縣南魚沼郡－越後湯沢溫泉（平均上升23位）
－神經痛,創傷,皮膚病
交通：從JR上越新幹線越後湯澤站步行10分鐘
雪國之溫泉嘅越後湯沢係有名享受一邊睇雪一邊浸溫泉嘅絕景。想於冬季積雪4至5米高嘅越後湯沢眺望絕景就要由溫泉街嘅車站搭湯澤溫泉纜車上海拔1000米嘅山頂，春夏花朵盈開，秋天更加係賞楓好地方，冬天就變成滑雪朋友最愛嘅地方。
越後湯澤車站西口嘅溫泉街有形形式式嘅溫泉旅館，由首都圈到越後湯沢嘅交通已經好成熟，只需1個鐘零10分鐘車程就到達，所以絕對係令滑雪人士心動嘅溫泉鄉。
南魚沼郡有D咩?
大源太湖
苗場王子滑雪場
望千里　御湯宿　中屋係創業400年嘅老鋪，佢嘅露天風呂仲可以眺望谷川連峰嘅絕景。
雪国の宿　高半亦都非常有名氣！諾貝爾獎作家川端康成曾經係呢度吸收靈感執筆寫名作《雪國》架！
山形縣鶴岡市－あつみ溫海溫泉（平均上升21位）
－神經痛, 風濕病, 婦科病
交通：從JR溫海溫泉站乘坐巴士7分鐘
溫海溫泉係已經有1000年以上歷史嘅溫泉黎架！非常推介大家於春天去，因為春天時，溫海川河畔嘅櫻花就會盛開，成條溫海川都會充滿浪漫氣氛。溫海川河口延綿2公里左右嘅溫海岳山腳嘅溫海川都有溫泉旅館。另外，仲有3個公共浴場同足浴，2個飲泉所等。

美食方面， 4－12月都會開嘅早市係必去地方，會出售當地名產、海鮮等，山形出產咁多種水果，千祈唔好錯過。
 鶴岡市有D咩?
鶴岡公園
羽黒山五重塔
たちばな屋嘅庭園非常靚，足不出戶已經可以狂影靚相，仲有可以觀星嘅露天溫泉。
萬国屋嘅庭園大露天風呂・桃里の湯又係超靚嘅庭園景色，食物極有水準，更加係創業三百年嘅旅館，非常出名。
雖然好似望落好遠咁，其實呢D溫泉仲未算太多遊客，但人氣就持續上升中，你唔係諗住D同胞去晒先黎去呀馬？
(Visited 52 times, 1 visits today)