去到日本觀光名所，總係好似要買D野先證明到自己黎過咁樣。影相就梗架喇，如果買野食又唔可以放得耐‥‥‥好彩！原來日本係各個著名觀光點都設有紀念幣，大家都應該見過以下呢部機。
對於我呢個咩都儲一餐嘅黎講，去日本根本就係搵野同儲野的旅程‥‥‥集印啦、神社嘅動物御神簽啦、仲有呢種必買的紀念幣！每個著名觀光點嘅紀念幣大部份都刻有當地景觀/建築物的外形同名架，買埋個扣仲可以做埋鎖匙扣添。仲可以究竟紀念幣有咩咁特別？
登登登登！就係刻名喇！
每次見到呢部機佢附近總會痴住一部刻名機，有D免費，有D要俾30yen。每一次旅行，我都會用呢部機記底我去嘅日期，旅伴個名同當下感受，一人一個咁好好保留住。有時會有迪迪尼於通款添！根據我個人觀測：呢部機通常出現係塔、城、動物園水族館、日本三大ＸＸ、著名鐵道、紀念館、纜車、甚至機場！！
我最鐘意史迪仔果款，不過唔係度度有‥‥‥
 就算有時有去某D地方，因為有Ｄ機放得比較隱閉，好難搵，就會Miss左。
唔同款式都各有特式呢~
 有日本人都會儲‥‥‥真係小巫見大巫呀！我都要努力儲先得！
好神奇地，發現原來身邊去過日本嘅朋友仔都以為買係純粹買Coins，並唔知有得刻名架！
步驟其實都好簡單！
首先你要買一個Coins，呢個步驟唔講喇。
 刻名步驟：
  1. 入錢（通常30yen)，反轉Coins，底部有圓型空邊嘅向上，攝入打印個位再按實，記得要對正位置好似畫面咁。
  2. 輸入你想要內容。日期本身係Default左係度，可以改，一般我會改做成個trip嘅旅遊日期。個螢幕show出黎嘅字係倒轉左，但放心，出到係嘅字係正常嘅。

  4. 按下右下Start制就開始刻印。部機會嘭嘭嘭咁好大聲刻名，記得對清楚個名先好開始。

  5. 刻印完之後，按下Coins左邊有個突起嘅掣就可以拎出Coins。
可能有朋友都見過另一種橢圓長長地嘅小判紀念幣，但係果隻比起呢種coins仲少見‥‥‥如果想收集嘅話，呢款係比較受歡迎。
參考販賣地點：
照片：翻攝

 

(Visited 695 times, 1 visits today)