暑假去旅行貴就個個都知架喇！想同朋友去睇祭典同花火大會，又或者一家大細去新名所ExpoCity，唔通真係要搭廉航‥‥‥其實依家廉航好識做生意架喇，出pass等你好難搶到平飛之餘，又加行李費，加加埋埋個價分分鐘仲貴過傳統航空公司。
小編random左個日期作測試: 8月3日出發 ,10號做回程。理解到大家揀廉航通常都係會揀最平果班而唔係好理時間，同埋食左野先上機，唔會再買機上野食，只係計大家最最最基本需要嘅洗費, 比廉航偷左步先。
係傳統航空公司嘅香港航空只需 HK$2,535？點解咁平？原來之前佢地出左announcement宣佈終於正式開通由7月15日起每日由香港到日本大阪關西國際機場嘅航線，去大阪來回未連稅都只係HK$2200起（連稅：HK$2535)！
而且時間好靚，早機去晚機返！大家以後去關西又多個選擇，因為依家暑假仲有勁多平飛！
航班時間表：
想平?，真係要格下價喇！想玩得開心除左平機票又點少得關西行程秘笈？身在關西的小編已經準備左幾個推介行程俾大家！
祇園祭
可以話係夏天必去祭典！呢個祭典是日本三大祭之一，係八坂神社的傳統祭典，由9世紀開始流傳至今。今年將於7月1-31日。前祭嘅山鉾巡行係於17日舉行，後祭嘅山鉾巡行係於24日舉行，到時可以係四条觀賞到32部超巨型又華麗嘅神轎在街上巡行，仲會有大量小吃攤檔，可以品嚐到到本祭典的食物！
鴨川納涼床
日本嘅夏天雖然冇香港咁濕熱，但都好熱架！想清涼一下唔一定要開冷氣，大自然涼風都係消暑好幫手。係京都嘅鴨川，上至貴船 (推薦餐廳>>>)，下至四条，幾乎所有餐廳都會會塔起一整排的川床，亦稱為「納涼床」，客人可以係川床上品嚐川床料理又或者流水麵！只係5月至9月先會有咋！
淀川花火大會
日本三大花火大會之一，將於8月6號係信濃川舉行！睇過日本煙花同係日本食魚生一樣，係返唔到轉頭架！超巨型傘狀花火同直徑1.7千米嘅祈願花火，仲有連珠百發如瀑布的壯觀奇景，著埋浴衣影相實呃到唔少Like！
主會場：大阪市淀川河川附近（新御堂筋淀川鉄橋下游）
舉辦日期：8月6日 19點50分～20點40分
交通方式：從阪急電鉄十三站或南方站・阪神電鉄姫島站・JR塚本站或御幣島站・大阪市営地下鉄西中島南方站出發，徒歩15分鐘
伏見万灯流し
另一個小編推介嘅比較少人知嘅伏見万灯流し，係小編非常喜歡的。可能大家都去過伏見伏見稲荷大社，但係南部嘅運河相對比較少人去，但其實景色係好靚架。建議行程：下午先到伏見稲荷大社參拜→ 月桂冠大倉紀念館，參觀製酒的過程（需預約。） →傍晚到寺田屋浜乘船場，見證住萬燈祈願嘅美景。
舉辦日期：2016年8月8日（待定）
時間：18：30～20：00
料金：献灯1個 1000円
地點：寺田屋浜
交通：近鉄電車「桃山御陵前」下車 徒歩約15分；京阪「中書島駅」下車 徒歩約10分
(Visited 36 times, 1 visits today)