「喂，你成日去日本，咁你咪好叻日文？」
「下‥‥‥我淨識吔咩嗲、打咩果D咋喎！」
「咁你唔識日本點日本自由行呀？」
不如問，你唔識韓文點去韓國、唔識法文點去法國、唔識印度話點去印度‥‥‥！
喂！去旅行姐，唔洗識晒十幾種語音呀化？！我旨在Relax下，影影相呃呃like，浸個溫泉食下海鮮和牛咁咋喎！係咪突然間覺得小編好唔專業呢？咁又唔洗失望！正正因為咁樣我更加明白唔識溝通果種痛苦！以下呢篇為各位度身訂造嘅推介文，當你要被逼講日文/睇日文時係好有用的～呀～小編的豬朋狗友們！唔好再同我講去日本要識日文喇！
小編成日都話，世界上最偉大嘅發明就係上網！只要上到網，咩都搞得掂！咁上網卡當然唔少得啦，但當然唔係教你用Google translate，仲有要download齊以下apps（App Store同Google Play都可以搵到)：
中英日對照的無敵APP，最正係有唔同場景俾大家揀，楝個制就可以播出黎俾大家聽。
 唔同場景都有成list嘅實用句子。
       
雖然大家都唔想有咩濕滯野，但如果有Ｄ咩起上黎，人地唔識講英文起碼都知道可以點幫你。
 入面係有晒中英日文對照同播放讀音。
仲有簡單的生字教學。
              

2. Worldictionary
仲有呢個非常方便嘅app, 如果你係街係餐廳見到日文唔通真係逐個搵點解咩, 呢個app可以俾你影住即時幫你譯，唔算非常準，但總好過冇啦～
可以揀唔同國家語言添！
 影嘅時候記得要對對焦先。右下就會出左解釋出黎。

3. LINE中日翻譯通
最後呢一個佢並不是一個app而係一個非常方便嘅官方帳號。因為佢本身就係Line果邊嘅官方帳號，所以只要係LINE「加入好友」頁面的Official Account Recommendation度按see all,再按右上的search功能打「LINE中日翻譯通」，按add就可以喇！
 事先聲明，呢個如果你打得唔好一定會出唔到正常日文，而且不是100%準 ,同有時會怪怪地。但係勝在夠快同一定會準過google translate。如果對方想講你又唔明你再可以請對方打出黎(打前提你手機有加日文打字啦)。
(Visited 105 times, 1 visits today)