旅遊8大救命準備

一個人去旅行真係好容易出事‥‥‥尤其玩得開心過頭得意忘形就會低估左危險性，就算同人一齊去都分分鐘變左家明！所以旅行還旅行，以下自救準備一定要做足！

1. 航班、行程一定要講俾最醒嘅朋友/家人聽

雖然好多人都唔plan行程，不過就算唔plan，依家日本上網咁方便，只有要上網卡都可以隨時求救！如果不幸冇買到上網卡，更加要預先將行程呀航班等等講俾家人朋友知。要留意嘅係，果一位緊急嘅聯絡人必須夠醒明，識上網同係一個有危機意識嘅人！因為分分鐘你向佢求救佢又以為你玩佢，到時延誤求援你就後悔喇。

2. 暗示說話
事前最好同緊急聯絡人傾定暗示說話，萬一俾人脅持、禁箇，到時就用得著。如果冇準備嘅情況下，就要講D冇可能發生又人地又知道事實嘅事，例如：明明家人已經仙遊，就話：我同ＸＸ去左旅行，等等‥‥‥俾人覺得有唔妥，醒目嘅都知道有問題架喇！

3. 手機有足夠電池

依家唔少人都有後備電/叉電器，但好多人都會用到盡。有時旅行又要睇google map又要用whatsappp咁就唔好上咁多網。同埋一定要留意，天氣越凍嘅地方，手機耗電越快！

4. 準備當地地圖

Google map係好方便‥‥‥不過大家都應該試過俾佢老點架？去到當地，最好拎返一份當地地圖黎睇！如果冇嘅話，出發前可以print定google map代替。

5. 留意天氣

日本溫差一定比香港大，由其山區、高地天氣變化更加快，所以出發前不妨睇下天氣報告先！日本天文台好準架，有預測埋幾點嘅天氣架！

6. 緊急藥物/食物飲品

一定玩需要長期戶外運動嘅，食物同飲品一定要隨身攜帶。食物方面，可以選擇能量bar方便攜帶，日本7-11有售，飲品可以買定大家最熟識嘅保礦力。雖然未至於一定救到你，但起碼你會有力捱到求援。藥物方面，就算平時冇病冇痛都好，去旅行都一定要帶備少量藥物以備不時之需。

7. 緊急電話：110、119

係日本，火警和急救嘅電話全國統一係119、報警電話是110，幾乎所有公用電話都可以打。但要注意，如果打119係因為傷患需要急救，就須要講清楚唔係火警，然後再將現場情況，位址講清楚
事故重傷急救、火警、地震、意外：119
搶劫偷盜遺失物品、交通糾紛：110

8. 救命電筒、哨子、鏡子

當要求救時冇Signal，你身邊嘅野：電筒、哨子、鏡等等嘅物品隨時可以救你一命！可以透過著控制長短訊號黎發放摩斯密碼的嘅救訊息，例如：
SOS　　　．．．　─ ─ ─　．．．
HELP　　 ．．．．　．　．－．．　．－－．
真係不幸冇電筒、哨子、鏡子，手機都可以開閃光燈當電筒用。

如果因為你嘅準備不足發生意外，最痛心嘅就係愛你嘅人。愛護你嘅家人，要學識好好保護自己呀!