今朝一早原定去中田島砂丘，但因為有少少趕，經歷完琴日單野好怕係咁搭巴士。加上去唔到音樂盒博物，改去濱松樂器博物館，放低野就出發了。住呢度真係好，每個景點都好近，行十分鐘左右就到博物館，入場費只係400yen。
未食早餐，但裡面間cafe又冇咁早開，唯有睇完先食啦。
一入到去已經見到勁大座鼓，原來要好多人一齊jam架，仲有來至世界各地唔同樂器，濱松不愧係樂器之城。
每樣樂器都有得聽佢嘅聲，拎耳機聽就得喇，一早起身聽下歌的確令心情好好多。
有D西方樂器好靚
個人最鐘意呢個琴
指定時間仲有人表演架。
唔同國家，種類等等嘅樂器都有，真係嘆為觀止！你又分唔分到邊個國家？
紀念品店係幾值得去，喜歡樂器的可以財下呢D一小盒包裝好嘅樂器模型，原來係磁石黎，整得好似呀。
呔夾都有？勁喎‥‥‥
下一站係弁天島， 其實主要想睇鳥居同食海鮮。
天氣真係好好呀！如果今日去濱名湖一定會睇到靚景！
未上車之前已經餓死左，食支雪條頂頂肚先～
弁天島個島居好得意，有少少似嚴島神社，潮漲時會係水中，平時會係一個砂島中間。望落去好似係水中咁，當然同嚴島冇得比，不過原來佢有D日子，個鹹蛋黃會係正鳥居中間架，個景好靚架。
其實係深秋初冬時期，夕陽會由鳥居正中央沉入海中，有唔少攝影好手都會黎拍攝架！
果度仲有船河架，有D日子仲可以俾你係鳥居個島上摸蜆。
不過果度真係極大風，D風打落身度吹埋D沙黎係好痛架。
之後就去食lunch ，揀左一間comment 唔錯嘅餐廳，行過去途中見到好靚嘅景。
行10分鐘左右到浜菜坊，比我想像中大間同新，重點係好多人專程揸車黎食，牆上好多名人簽名添，不過waiter 英文唔好，我日文有限，唔係好溝通到，呢個時候最好用google translation，請佢寫低，咁我禁tranlastion，簡單方便。
不過呢度真係好多人等位，原定預1個鐘食野，點知就已經等左半個鐘，下午所有行程都要順延半個至1個鐘。終於有位，入到去，原來好多位俾人book左，D人又未到，所以要等。原本呢間好多人都會叫生白飯魚飯。不過我想留返係鎌倉先食，所以叫左由舞阪流直送嘅刺身set加清酒煮蜆，原來想叫埋河豚刺身，但原來冬天先會有，有少少失望添……
呢度都有座敷～
等嘅時候用日本yahoo乘換案內check下時間，出菜時都比較耐。
但等原來係值得架，唔好睇D刺身好似平平無奇，食過咁多次刺身，真係會識分咩係新鮮，新鮮嘅魚咬落去係彈牙的，所以呢間真係好推薦，因為食過咁多刺身包括築地呀果D，呢隻可以話係最新鮮果D，同魚市場果D無得比。
但等原來係值得架，唔好睇D刺身好似平平無奇，食過咁多次刺身，真係會識分咩係新鮮，新鮮嘅魚咬落去係彈牙的，所以呢間真係好推薦，因為食過咁多刺身包括築地呀果D，呢隻可以話係最新鮮果D，同魚市場果D無得比。
清酒煮蜆係酒香重但有D太鹹，而呢隻蜆唔juicy，用清酒煮其實最好用珍珠蜆。
食完後就返酒店拎行李向下一站東海名城出發喇！
出發之前一定要係濱松果度掃下名產。呢間野係正JR站，一出閘就見到！行一行５分鐘度就可以買齊晒所有濱松名物。
春華堂嘅鰻魚餅係貴少少，呢度有其他選擇。鰻魚餅係鹹甜的，開始唔知以為一般般，冇諗過原來係好好食‥‥好後悔冇買多D添。
呢個蝴蝶酥真係好好食，買左黑朱古力味，覺得一流！再黎都會再入手。
靜岡茶當然唔少得啦！包裝得好靚好得體，好適合送俾長輩！
之後就係去重點行程之一－掛川城喇！其實濱松城都好出名，點解要揀掛川？無他，因為我係外貌學會。
浜松市楽器博物館
網址：http://www.gakkihaku.jp/
地址：静岡県浜松市中区中央3-9-1
電話：053-451-1128
營業時間：9:00～17:00
休息日：12月29日～1月3日(因為每月1次檢查,有閉館日)
費用：大人400日圓、高中生200日圓、小中學生100日圓、小學生一下70歲以上免費
交通：JR浜松駅北口徒歩10分(map)
地址：静岡県浜松市中区中央3-9-1
電話：053-451-1128
營業時間：9:00～17:00
休息日：12月29日～1月3日(因為每月1次檢查,有閉館日)
費用：大人400日圓、高中生200日圓、小中學生100日圓、小學生一下70歲以上免費
交通：JR浜松駅北口徒歩10分(map)
弁天島鳥居
浜菜坊
電話：+81 53-592-1676
營業時間：昼11：30～14：00
夜17：00～21：00
交通：東海道本線弁天島駅弁步行500m
營業時間：昼11：30～14：00
夜17：00～21：00
交通：東海道本線弁天島駅弁步行500m
(Visited 270 times, 1 visits today)