【日本超市必買】冰見烏冬（氷見うどん）

唔少人去外地旅行，都會特別想買野食返屋企自己煮黎食。除左味道之外，最重要係可以回味你的行程。不過，其實當地超市都有好多第二個縣的產品，是非常值得逛下架！今次要介紹嘅係日本超市會買到的「冰見烏冬」。

相信成日都逛開香港一田呀、City Super的朋友有機會見過佢，不過佢唔係成日都買到架。好多時要等咩咩祭咩咩節先會有得買。如果你咁好彩係香港見到佢，你一定要買！因為你食過之後一定會掛住佢！

 好喇！講到咁正！咁究竟有幾正呢？話說‥‥‥日本三大烏冬係最廣為人知的：秋田縣的稻庭烏冬、群馬縣的水澤烏冬與香川縣的讚岐烏冬。咦？冇嘅？！其實佢係被列入「日本三大手工延展烏冬」內，因為「手工延展」係指在拉麵過程中完全不切斷，極力拉長麵條的技術。呢種技術通常用在直徑不到一公釐的超細「素麵」，但冰見烏冬都採用這種製麵方法，不同處只在於麵的粗細和形狀，同埋不添加油類可以維持麵條原本的風味，即使長期儲存也不洗擔心變質。

 講左咁耐，究竟有咩分別？佢係比較寬平的烏冬麵黎，幼細度有少少似稻庭，不過就係左右薄身，中間有少少厚身。因為有手工延展技術，所以佢係十級彈牙同有超滑順口感，絕對唔會好似讚岐烏冬咁有粉感，食過一次就會上癮！！

最神奇嘅地方係小編認為三大烏冬，有D係比較適合熱食，有D食凍食會好食D，但係冰見烏冬係無論熱同凍都有一樣咁好嘅口感同味道！

通常買冰見烏冬，一定會見到呢個老牌子「海津屋」，如果係超市買到一盒盒的冰見烏冬，通常會包埋一包Sauce，我冇考究過佢係咪鰹魚湯，雖然有少少似，但又有種超過左鰹魚湯的鮮味（係有少少魷魚咁），總之就正啦！

如果去到日本，不妨掃返幾盒返香港丫，唔洗食黎食去都係讚岐烏冬咁悶丫！

圖片：Google