去旅行Plan行程係必備動作，好多人都嫌煩，但其實平時上下網搵景點時都可以順便做埋Plan行程呢個動作，而且依家Google Map仲好好用，可以俾你用唔同folder咁裝晒D景點～又可以加remarks，到時只要有手機/iPad就可以周圍去，非常方便！
首先當然要有一個Google account啦！記得Login左先！
1. Save晒想去嘅地方
平時睇我地網站時會見到每一個景點隔離會有以下圖案，其他係標示景點嘅個位置。
以新宿御苑為列，入到去會見到左手邊出左一行資料，記得禁【儲存】！
咁佢就會係你地圖上出現一粒星星，你可以好容易就搵到佢！
想plan行程梗係要睇下你邊D星星近D，再將佢連埋一齊啦！
2. 整行程表
係Google map左上角你可以搵到【選單】
禁左之後，就會見到選單出左黎，揀【我的地圖】
禁完之後，就可以禁【建立】新增不同地圖。因為你可能會有唔止一個Trip，咁就可以將佢分門別類喇！
建立左之後你嘅專屬地圖就出現喇！
紅色圈全上面果個建議起返你個Trip名啦：2015年9月東京美食遊 又好….咩都好啦
下面果個就係俾你黎做sub folder，可以分開唔同日子咁睇，建議起返做day1 day2咁‥‥
一大班人一齊Plan都得
仲有佢真係超多function，通常一大班人嘅話你可以禁【分享】
就會出左以下畫面，你可以加晒D fd個email落去，等佢地都一齊編輯個地圖！
加景點無難度
可以好似平時searh咁，又可以睇返你之前儲存過有星星嘅地方！
以築地為例啦！search左之後，就可以加佢入地圖！
咁你就會見到佢係你day1 folder內出現！可以試下加其他地方＆唔同餐廳～
食、玩、買、住標記清楚
咁多標記點分到食野定買野姐？唔緊要，佢有個超好function就係連標記都改埋！
可以揀唔同顏色嘅標記，甚至圖案！按【更多圖示】
超多款標記任你揀～
寫埋remarks都冇問題
有D地方想打返詳細少少內容都可以做到！先選地點，再選支筆仔【編輯】！
裡面會有個方格俾你打野落去～連地點名都可以改架！好似小編咁就加左中文名，睇拼音我真係唔鬼識睇囉‥‥‥（最正係去泰國呀、韓國呀果D冇漢字嘅國家，咁樣真係會超方便！）
加輔助資料如相片
有時去到一D大少少嘅地方，好似築地D細鋪就喧睇地圖真係好難搵，又或者一個地區嘅路線圖咁，呢個時候加相同影片就最好喇！
仲唔洗預先Download定，可以即時search都得。
好多圖片任你揀！
又或者可以copy左你搵到嘅圖片條link，再放上去
咁就唔洗下下要印定咁多D野，Save定咁多link啦！
步行/自駕路線俱全
有時部份地匿自駕又或者想加條步行路線都可以點對點咁加上去～
例如想由築地去汐留駅，咁就可以加個名上去～
直接可以見到條路線，仲可以改埋路線名！
禁路線名就可以改架喇！
分開每日行程 方便管理
如果想加開一日做Day2，禁返【新增地圖】就得喇！
大公告成！
以後只要login返入Account揀返指定行程，就可以睇到晒路線！
行車路線即時搵
日本D線路咁複雜，個地圖係冇得加埋路線落去嘅！不過！你可以用【Yahoo！乘換案內】App又或者Google map search都得！
揀左最近嘅站～以汐留去台場為例～禁【規劃路線】
打左２個地點出黎之後就會有條基本路線
不過如果你即時打，就會係顯示呢個moment有咩車去，想check定就可以揀日期時間～
但係，要睇返你係想公共交通公具定自駕定行路喇！搭鐵路就揀返鐵路啦！
可以睇到最近一班車幾時開出，Google map都好準架~唔需要擔心！禁【詳細資訊】就一目了然喇！
拿拿拿！！建議第一次去嘅朋友最好capture定參考下～費事手機冇電用唔到apps check人生路不熟就麻煩喇！
BTW，去多幾次就唔需要Plan行程啦！～
(Visited 346 times, 1 visits today)