近年多左唔少朋友去北陸金沢旅行，去近江町食極上海鮮飯當然係超級正，但對於一眾食肉獸黎講，除左食超級貴的能登和牛，究竟仲有冇其實極品選擇呢？TraveLa帶大家去一間必食的和牛漢堡扒餐廳，冇野係好得過一大舊和牛啖啖肉咁擺入口。餐廳位於之前都介紹過嘅金澤Forus，只係係車站隔離，非常近，無論係搭車新幹線即係，定係想再決戰Forus都可以去食！最神奇嘅地方係佢真係好平。
金澤ミート每日嚴選唔同和牛製作漢保扒。嘴刁的香港人相信平時已經有係taste買過所謂幾十蚊一塊的和牛漢堡。只可以說，你吃完之後，絕對不會再買/再叫老婆買！因為你寧願會黎食多一次！講咁耐，究竟有幾正？
門口的大Banner
Menu上所有餐全部都唔貴，都係千幾円左右
見到Menu張相都流晒口水。
首先黎個定食！黎個呢度的No.1－和牛Cheese漢堡扒先！呢個set只係1380円，即係約89蚊港幣。100蚊都唔洗就食到和牛漢堡扒，超抵啦！
除左不可思議嘅價錢，日本人對煮食嘅要求真係不容置疑，所以你唔會食到好似香港咁硬掘掘一舊漢堡扒。
餐廳廚師會將免治和牛handmade成牛漢堡扒shape。
將底面兩邊煎封鎖住肉汁，煎到面層有少少焦焦地，為左保持和牛原汁原味，店家係唔會用其他煮食油，而係利用和牛本身的脂肪去煮！
和牛漢堡扒加上濃濃嘅Sauce，放係鐵板上繼續保持溫度，由上枱至食完嘅和牛漢堡扒，依然係好似剛剛煮好一樣。
識食就知和牛最好煮到中間有少少粉紅色，咬落去肉汁就會必晒出黎。
呢間餐廳就Exactly煮到咁樣。
仲有唔同Cheese揀：車打芝士、Mozzarella Cheese：
一個ｓｅｔ包左一個飯、前菜、麵豉湯同配菜。
可以選擇普通唔加cheese，亦有原味：
唔鐘意識有生生地嘅朋友都可以要求全熟。咬落去時除左好多肉外，亦都非常香同軟身。
亦都可以配搭其他配菜如：炸蝦（大/細）、牛油果、南蠻炸雞。
大胃王可以試下呢個「合挽ハンバーグとジューシーチキン南蛮の盛り合わせ膳」
店內另一人氣定食
餐廳環境：
金沢発 和牛ハンバーグ専門店 金澤ミート
地址：石川県金沢市堀川新町3-1 金沢Forus 6F
電話：076-265-3517
營業時間：11：00～23：00（不定休）
交通：JR金沢駅步行1分鐘
(Visited 67 times, 1 visits today)