有人鍾意和牛入口即溶，對我黎講對擺舊脂肪係口冇咩分別，但係飛驒牛就可以話係入口即溶之中帶少少咬口，肉香神戶牛簡直比下去，一向咀刁嘅我就非常鍾意！加上香港好少有得食，之前係白川鄉食又貴又少唔夠喉，所以無論如何落幾大雪都要去高山食！ 網上對於去高山食一般都係prefer幾間：丸明（但係傳聞之前賣過假飛驒牛）、味蔵天国（價錢最平，但係一早full booking）、天狗（最貴）。呢幾間係比較出名，但係我地認為其實日本食物質素一般都好好，所以我地試下其他餐廳，今次揀嘅叫飛騨琢磨。 算係好近JR，亦都好近我地嘅酒店Spa Hotel Alpina Hida Takayama。加上請日本朋友訂，佢地話可以營業到10點架！而事實上我地當日亦食到差唔多11點先走。
店內有分和式座位同普通枱櫈，乾淨舒服
前菜一般，冇想像中咁好食。
飛騨牛朴葉味噌焼(4,600円) 味噌燒係高山其中一樣特色野食，加上和牛，絕對唔會驚蓋左陣味，好滑好香，非常好送飯
特選飛騨牛ヒレステーキ膳(12,000円) 由於我地都唔識日文，唯有估估下揀左個最貴嘅Steak，果然冇揀錯，呢個就係入口即溶得黎又彈牙！
冷製ローストビーフ 呢樣係凍食，唔好睇佢個樣好似普普通通，呢一樣亦都非常搶手，係我食過最滑嘅牛肉。
飛驒牛串燒 呢個就一般喇，幾多錢唔記得，但係係白川鄉食嘅平好多，又好食好多。
好多簽名，唔知係唔係名人黎呢～
服務態度都幾好。上菜速度又OK，可以再黎。
飛驒牛簡介（自高山網站）：“飛彈牛”是指在岐阜縣內經過14個月以上肥育的黑毛和牛。飛彈牛的特點集中于優異的脂肪分布，圖案狀如幼鹿遍布，非常美觀，食法多變。曾在2002年及2007年，連續兩屆獲「日本全國和牛能力共進會」選為最優秀食用牛肉獎，相等於全場總冠軍，地位比神戶牛、松阪牛更高。
飛騨牛専門店 飛騨琢磨
網址：http://hidatakuma.com/ 地址：岐阜県高山市天満町5丁目1番地 電話：0577-35-1341 営業時間：（上午）11:00～ （晚上）17:00～ 星期六、日視乎予訂情況而定 可找到合資格的餐廳 飛騨牛銘柄推進協議会： http://www.hidagyu-gifu.com/