日本向來都超級多神社，亦供奉唔同嘅神，但拜神還拜神，始終同得意、可愛扯唔上關係。不過今次介紹嘅東天王岡崎神社位於京都，女仔見到門口就一定會衝過去！
因為呢個神社隨處可見勁多隻超可愛兔兔！其實呢度供奉嘅係速素盞鳴尊、奇稻田姬命、三女五男八柱御子神，而奇稻田姬命係速素盞鳴尊嘅夫人，速素盞鳴尊是斬殺八岐大蛇的神祇。之所以成間神社都係兔兔，主因為呢度以前好多兔兔，而佢地又係多產嘅動物，咁啱呢間社神供奉嘅神最以求子、安產為主，所以兔兔就被視為神之使者喇！
其實好多神社都有拜兔仔（例如地主神社），但係好多時只係一兩個石像係旁邊，唔會好似呢間全間都係，連狛犬都係兔兔 ，女仔實鐘意！
一般嘅御手洗係用龍，呢度就係用兔仔，超可愛呀<3
仲有招姻緣兔，未有另一半嘅都可以黎拜下！
特殊的御神籤-兔子籤，驟眼睇仲以為係記念品，原來兔兔底打開貼紙就係籤文。
一埋兔兔放係度
繪馬同御守都係兔子
手水舍嘅黑御影石兔。
如果想要求子可以係兔子身上潑水後摸摸佢肚仔就會獲得神明庇佑，聽講非常靈驗！
岡崎神社亦係唔少當地人嘅結婚場地，一黎意頭好好，二黎裡面好靚架！
雖然呢度唔算大，又唔似清水寺一年四季都有靚景，但係就好有特色，行完成個人都開心晒！
（其實雪景都ＯＫ）
如果你唔係第一次黎京都，非常值得去呢度，仲可順便行下附近嘅平安神宮同哲學之道！
東天王岡﨑神社
電話：075-771-1963
地址：京都市左京区岡崎東天王町51號地
交通：
• 市巴士 ３２號、２０３號、９３號、２０４號「岡崎神社前」下車
• 市巴士５號「東天王町」下車
• 京阪電気鉄道鴨東線 神宮丸太町駅下車 / 地下鉄東西線 蹴上駅下車
(Visited 137 times, 1 visits today)